الي بدو يعرف شو مكتوب جوة يدخل @

اول شغلة السلام عليكم

طبعا أنا اليوم جايبالكم موضوع كتير بحبو

وهو ( بعض الأغاني اللي بنغنيها بالأعراس الفلسطينية طبعا )

شوفوا هاي:
قولو لأمـو تفـرح وتتهـنــى ترش الوسيد بالعطـر والحنـة
يادار هنا وابنيها يا بنـا والفرح إلنا والعرسان تتهنى
والدار داري والبيوت بيوتي واحنا خـطبنا ياعـدوة مـوتي
يابيي مـريم لا تكن عـبوسـي واسمح بوجك واعطي هالعروسـة
يابيي مـريم لا تكن طـماعـي والمال يفنى والنسـب نفاعـي

وهي وحدة تانية:
مهرك يا ندى ست الاف ومية واخدتي أكرم رائد عالكـلية
مهرك ياندى ست الاف وساعة واخدتي أكرم رائد عالجماعة
مهرك ياندى ست الاف وخاتم واخدتي أكرم رائد عالمحاكم

وكمان:
واكتبيلو يامريم عالحصيرة يجمع شملك مع شملو يا أصيلة
واكتبيلو يا مريم ألـف وبا يجمع شملك مع شملومدى الحياة
واكتبيلو يا مريم سورة يس يجمع شملك مع شملومدى السنين
واكتبيلو يا مريم عالطراحة يجمع شملك مع شملو يا فـلاحـة
واكتبيلو يا مريم عالنملية يجمع شملك مع شملو يا نشـمية

وهاي بتغنيها أخت العريس:
ويا ريتك مباركـة علينا علينا وتبكري بالصـبي يلعـب حولينا
وياريتك مباركةعالسلف والسلفة وتبكري بالصبي وتكتري الخلفة
وياريتك مباركةعالجار والجارة وتبكري بالصبي وتعمري الحارة
ويا ريتك مباركة يا كـنة ابوي وتبكري بالصبي والصـبي لاخـوي

وهاي وحدة صغيرة وزوجوها بدري:
قولوا لابوي الله يكـثر زيتو استعجل عليي واطلعني من بيتو
قولوا لابوي الله يخـلي ولادو استعجل عليي واطلعني من بلادو
يارب ابوي يحلف عـلي ابات وانا العزيزة ابات بين خواتي
يارب ابوي يحلف علي الليلة واناالعزيزة ابات بين العيلة

وهاي للعريس:
ولا يهمك يا أحمد ولا يهمك هذي العزوة عزوتك وولاد عمك
يا أحـمـد عـدلالك عـدلالك هذي العزوة عزوتك وولاد خالك
ياأحمد ولايهمك كلام الناس هذي العزوة عزوتك ترفع الراس

وهاي لما يلبسوا الشبكة للعروس:
لبس يا أحمد لبس مالك زعلان هذي خضرة عجنبك طلق الريحان
لبس يا أحمد لبس مالك مهموم هذي خضرة عجنبك طلق اللمون

وهاي لما يكونوا بدهم ياخدوا العروس من بيتها:
اعطونا عروستنا خلونا نروح بلدنا بعيدة بتوكلنا الوحوش
اعطونا عروستنا خلونا نمشي بلدنا بعيدة بتوكلنا الوحشة
اعطونا عروستنا يادار الأمير اعطونا عروستنا تنلبسها حرير

ولما وحدة تتجوز واحد غريب طبعا أكيد بكون من برة بلدها يتقعد تغني هاي الغنية لأبن عمها لأنو ماخطبهاوبتحكيلو:
يا ابن العم يا سل الكناسة بنات عمك اخدوهن الناس
يا ابن العم يا سل الترايب بنات عمك اخدوهن غرايب

وهاي لأبو العروس:
يخـلف على ابو احـمد يخـلف عليه بالاول
طـلبنا النسـب منـو اعطانا غزال مصـور
يخلف على ابو احـمد يخلف عليـه خـلفين
طلبنا منو النسب اعطانا بناتو التنتين

وهاي يوم الحنة:
ومن وين جبت الحنة يا احمد ياشاطر يا احمد ياشاطر
مـن كـل عـطـار شـوية تـلفينا مصـر تلفـينا مـصـر
ومن وين جبت الحنة يا احمد يا عريس يا احمد ياعريس
من كـل عـطار شـوية تلـفينا الـقدس تـلفينا القـدس

وشفوا هاي:
شـك الدهـب عـكمك يا تهـاني قوليـلي منهـو عمك يا تهـاني
عمي من عيلة كبيرة يا أميرة لما نزل عالديرة دار الفنجان
شـك الدهـب عديالك يا تهاني قوليـلي منهـو خالك يا تهاني
خالي من عيلة كبيرة ياأميرة لما نزل عالديرة دار الفنجان

شوفوا أكتر وحدة عجبتكم وردا علي وان شا الله تكون مشاركتي عجبتكم

يسلمو دياتك

بجد حلوين

يسلموو دياتك بجد كتير حلوييين ..

والله يعطيك العافية ...

دمعه عمر

كل الشكر والتقدير على ما قدمتى

[ندعوك للتسجيل في المنتدى أو التعريف بنفسك لمعاينة هذه الصورة]

مرسي على ردكم الجميل
تحياتي الى جميع لاعضاء لمنورين

صبااااحكــ.... مسآءكـ
معطر ببتســـامـــــه وأأأأأمـــــل..
..............
طًرح ممًيز كروًعهـ حضًوركـ الممًيز
يعطًيكـ ربًي الفً عااافيًهـ....
والله لآيحرمنآ منكـ ولآ من جديدكـ
دمتي بحفظ..ألله ورعايته..

[ندعوك للتسجيل في المنتدى أو التعريف بنفسك لمعاينة هذه الصورة]

مشكورة دمعة عمر سلمت يداكي

دمعه عمر

كل الشكر والتقدير على ما قدمتى

شكرا على الموضوع

تحياتي

دمعة عمر
يسلموا دياتك
علي هذه اللمسات الرائعة
الله يعطيكي العافية
علي هذا المجهود القيم والمميز
تقبلي مروري من هنا

يسلمووووو على مروركم الرائع
اسعتوني بتوجدكم العطر
تحياتي الى جميع الاعضاء لمنورين

[ندعوك للتسجيل في المنتدى أو التعريف بنفسك لمعاينة هذه الصورة]

يسلموووووووووووووووووو
دمعة عمر علي الموضوع

يسلمووو

» الي بدوا يعرف شخصيته يدخل هون؟؟؟
» ما حد يدخل بحكي جد ما حد يدخل!!!!!!!!!!
» الفراق مكتوب عليا
» دعاء مكتوب على حيطان الجنة
» ما في حدا بيئدر انو يهرب منو والئدر مكتوب