ضيفتنا الادارية المتميزة التائبة

ُُالـكـاســـرُُُ كتب:: - من هي حب وحنين الغربة ؟؟

هي انسانة طيبة ومعطاءة بلا حدود

- منذ متي وانتي مشتركة بهذا المنتدي ؟؟؟

مش كتير اللي
-
مارايك بمنتدي ميدو ؟؟؟

بصراحة حلو لانو في مجهود جبار من الجميع
- مارايك بالاعضاء في المنتدي ؟؟؟؟
هم اساس المنتدي بدونهم احنا ولا شي
اعضائنا احلي شي فيهم انهم مترابطين مع بعض كلهم اسرةة واحدة

- شيء مفقود تتمني ان يكون في هذا المنتدي ؟؟؟؟
اول شي لما الواحد يبعت رسالة خاصة تفتح الو نافذة مستقلة انو في رسالة خاصة للتنبيه
تاني شي قائمة عدد المشاركين واخر المواضيع مثل اي منتدي تان
بس اعتقد ما بينفع هون لانو مجاني

ما هو تعريفك لكل من :

- الحياة
نعمة من ربنا اعطانا اياها حتي نستمتع فيها في حدود رضاه علينا

- الموت ياساتر يارب
هو بوابة الحساب لكل شي عملناه في الدنيا

- السعادة
هي اجمل لحظات الانسان ولكنها قليلة

- البحر
هو صديقي الاول والاخير
اللي بيشاركني فرحي وحزني

- الخيانة
اصعب شي في الدنيااا
خنجر سام

- الصداقة
بدونها ما بقدر اعيش
شكرا لكل صديقاتي لانهم بيعنولي كتير في حياتي

- الليل
الهدوء والسكون والسهر

- الحنين
احساس حلو يعيدك للماضي وايامه
-الحب
لحظات حلوة كتير بنعيشها في بدايته

لماذا اخترتي هذا الاسم بالذات ومامعناه بالنسبة لك انتي شخصيا ؟
حب وحنين الغربة
هو جزء من شخصيتي بحبو كتيرررر لانو بحس بالغربة دايما
الغربة هنا ما بتعنيلي السفر عن الوطن لا
الغربة بتعنيلي الغربة عن اشياء بحبها وناس بعرفها ووحدة بعيشها

مـــــاهي أجــــمل صـــدفة مرت بكى؟؟
لما اكون من شايفة حد من سنين والقاه قدامي فجاة

ماهي أحـــلى ابتسامة واجهتك في حياتك وممن تلقيتها؟؟
من شخص عزيز علي قلبي هو خارج البلد

بماذا تفسرى عــــتاب الآخرين لكى وعتـــابك لهم
عتاب الاخرين لي محبة وتقويم لاخطائي
وعتابي لهم نفس الشي
بلد تتمنى زيارتة ؟ولمـــاذا؟
كل بلاد العالم
ولكن روسيا والكويت

بماذا تفــــكرى الآن؟؟
بفكر في حد ما دخل منتدي الحرة من كم يوم
من هم الاشخاص الاقرب لك في المنتدى؟
هيفاا وعبير و6060 وجميع العضوات صراحة حبيتهم واللي علاقة طيب فيهم

- كم ساعه تقضينها في المنتدى؟

مش كتير حسب وقتي

كونك إدارية في منتديات ميدو الفلسطينية
هل أنتي راضية عن هذا المنتدي ؟ وما هي خططك وطموحاتك له؟
بصراحة المنتدي حلو كتير لكن انا ما بتواجد كتير لاني مشغولة الفترة هاي بس انشالله بزيد نشاطي اكتر في الايام الجاية

أو ماذا ينقصه في نظرك؟

ما هي حسب وجهة نظرك المصاعب التي تواجه الفتاة اليوم في العالم بشكل عام؟
باختصار انو العالم وين ما رحنا هو عالم ذكوري
مهما عملت البنت الشب بيضل افضل منها لانو مجرد اسمو شب

وفي فلسطين بشكل خاص ؟؟

دائما ما ترتبط المعاني في عقولنا بكلمات عندما نسمعها
تعود بنا الذاكرة إلى تلك المعاني
وسأكتب لكِ هنا بعض تلك الكلمات
وأتمنى أن تكتبي لنا كلمة واحدة ترتبط بهذه الكلمات في ذاكرتك
( الطفولة
نفسي ارجعلها

، الغيم
المطر حينزل
، البحر
صديقي الاول والاخير
، الجبل
شامخ
، الليل
الهدوء
، المطر
نعمة من الله

، السكون )
هدوووء’
’ الإننرنت ’’ هذا العالم الفسيح ماذا يعني لك ؟

الانترنت هو عالم كبير جو جهاز صغير بيتتستغله كيف ما بدك بالخير او الشر
بالنسبة اللي هو صديقي الحالي داخل غرفتي
بحب ابحر فيه

القيصر كتب:: حب وحنبن
اهلا وسهلا بيكي
منورة الكرسي وسامحينا عالتأخير بالأسئلة
طبعا انا نفسي اجيب لك كاسة عصير فراولة
بس هلأ الفراولة رخيصة جيبي لك ب10 شيكل
واشربي ووزعي اللي بيزيد عالحبايب
أنا عن نفسي ما بدي شكرا
الكاسة تعتي اشربيها انتي
ياريته ألف صحة وهنا يارب
هلا بيك ولا يهمك تجي وقت ما بدك
وشكراعلي عصير الفراولة بحبو كتيررر

ونبدأ بالأسئلة
!
!
!
!
!

.
هل انتي مقتنعه بالعبارة (الخيانة مبدأ في هذه الحياة) طبعا العبارة من توقيعك
[size=18]طبعا لانو الخيانة صارت شي عادي بالنسبة لاي رجل بيخون وبيعمل حالو كانو ما في عمله وهو المظلوم والبنت هي الغلطانة في حكمها عليه

. هل انتي مقتنعة في أدائك بالمنتدى
في الفترات التالية؟؟
&أول مشاركاتك
&في الوقت الحالي
&رؤيتك للمستقبل
بصراحة انا ما بدخل كتير لاني مشغولة جدا جدا وهاد مو طبعي لازم اكون قد اللقب اللي ماخده لكن الايام جاية كتير يا قيصر

ما هو اقتراحك الذي تتمني ان يحدث في هذا المنتدى ولم يحدث الى الان؟
جاوبت عليه من قبل باسئلة الكاسر

.
حكمة تؤمن بها جدا؟؟
[size=18]هي مقولة
اذا اردت شي بقوة فطلق عنانه فإن عاد لك فهو لك وان لم يعد فهو ليس لك من البداية

كيف تعرفت على المنتدى عن طريق من؟
ههههههههههه
عارف هاي قصة غريبة جدا
كنت طالعة انا وبعض العضوات ع مطعم
ووبنحكي عن المنتيدات الا عضوة بتحكيلي انتي ليه ما بتفوتي منتدي الكاسر بقلها هو الكاسر في اله منتدي غريبة ما حكالي يعني
حكتلي اه الو منتدي من زمان وكانت صدمة بالنسبة اللي طبعا
وفتت المنتدي بعدها وصارت امور كتيرر..............

.عاده تفعليها دائما تتمنى ان تتركيها ؟
التفكيرررر
ماذا تعني لكي الكلمات التالية

- المجتمع ..

انا وانت وهو وهي المجتمع
- الخيانة ..
خنجر سام في قلب الشخص
مبدأ في هذا الزمن

- الحب ..
احساس حلو في بدايته
ومؤلم في نهايته

-البحر ..
صديقي الاول والاخير

-القلب ..
مصدر الحياة

- الغروب ..
اروع منظر شفتو في حياتي
سبحان الخالق

-الوفاء ..
قليل تواجده

- الرجل..
مخلوق غريب وخاين

ماهو اجمل اسم لولد واجمل اسم لبنت من وجهة نظرك؟

اجمل اسم هو ضياء وبنت هي رويد
وانشالله راح اسميهم

أذكري لنا موقف طريف مر عليك بحياتك ...وموقف آخر حزين مر عليك بحياتك.؟
موقف طريف
كنت عازمة صديقة اللي في مكان وبعد ما نهينا القعدة اجيت ادفع لقيت حالي ناسية المحفظة في البيت وهي كمان مش حاملة فلوس تخيلو هالموقف قديه محرج المهم كل ما بنتذكره بنصير نضحك علي حالنا
موقف حزين
لما اكتشف اني كنت بنخان من سنين وانا واثقة في شخص بلا حدود

اللون الذي ينسجم مع لون قلبك؟
اللون هو اللون النيلي بحبو الي جانب الاخضر والازرق

هل تظني انك محبوبه عند الناس؟
انشالله اكون محبوبة

هل تحبي من حولك؟
حب الناس الناس بتحبك

مارايك في الغيره الزايده من انسان غالي عليك؟
الغيرة هي زاد الحب لكن لو زادت عن حدها بتكون مصدر نكد وفراق بين المحبين

هل لديك القدره على فهم الاخرين بسهوله؟
ما بعرف بس حسب رأي اللي حوليه اه

في رأيك الشخصي مالفـرق بين الحب والصداقة ؟
[/size]
[/size]

رأي بين الحب والصداقة
الحب ما بيدوم اذا كان في احد الطرفين مش صادق مع الاخر
اما الصداقة هي انتي وانا طول العمر ع الحلوة والمرة الصغيرة والكبيرة

بتمني اكون جاوبت ع اسئلتك كلها
واهلا وسهلا بيك باي وقت

زهورالمستقبل كتب:: حب وحنين
يا حرااااااااااااااااااام

طيب الى رجعة تانية بعد شوي لحتى اسأل كام سؤال اكك يا عسل:)

شايفة يا زهور ع الورطة هاي يلا هانت ضايل بكرة ههههههه

راح اكمل الاسئلة المساااااااااا

هل حب وحنين عنيده والى اى درجه عنادتها؟

ما تاثير الاخرين فيكى ؟وما تاثيرك فيهم؟

باعتبارك خضتى فى عده مجالات هل تستطيعين السيطره على مواقف صعبه؟والى اى درجه ممكن تكون هالصعوبه؟

هل تستطيعين ان تاثرى على اى شخص قدامك وتفرضى رئيك والى اى درجه؟

شو الصفة اللي ما بتحبيها بالناس

شو الصفة اللي انتي معجبة ومبسوطة انها موجودة فيكي؟

هل انتي اكبر اخوانك؟ وشو ترتيبك بالاسرة

مين بتحبي اكتر عيد الفطر ولا عيد الاضحى وعيد سعيد مقدما؟

هل عشتي طفولة سعيدة ام عادية غير مميزة؟

هل حصل معك موقف بالمنتدى وسبب لك ضيق او زعل؟

هل حصل معك موقف حلو وطريف بالمنتدى وشو هو؟

اممممممم والله الاعضاء ما شاء الله مش مقصرين بالمرة معك هههه

بس بدي اسألك كم سؤال أول شي شو رايك بلميس
واممم
تعرضتي للخيانة ولا لاء ؟؟
لو اكتشفتي انه حبيبيك خانك مع حبيبة تانية شو ردة فعلك ؟
لو حبيبك خانك مرة ومرتين وتلاتة وبكل مرة بتسامحيه لأنك بتحبيه وانتي عارفة انه راح يرجع يخونك مرة تانية راح تظل علاقتي فيه مستمرة ولا لاء ؟
وخلص كده بيكفي يا عسل...

برررررررررررررب ورااااااااجعة

حب وحنين الغربة
لك الشكر والتحية

وخالص الإحترام والإمتنان على الإجابات الراقية والصريحة

فدمت ودام تواجدك

» ضيفتنا لهذا الاسبوع الادارية المتميزة رومانسية
» ضيفتنا لهذا الاسبوع العضوة المتميزة دوميانا
» ضيفتنا لهذا الاسبوع المشرفة المتميزة والرائعة سحر العيون
» ضيفتنا لهذا الأسبوع المشرفة المتميزة الوردة البيضاء
» ضيفتنا لهذا الاسبوع المشرفة المتميزة أحلى بنوتة