مني لطلب التوجيهي

اذا قرب موعد الامتحانات ولسة باقي كثير من المنهج ما خلصتو شو اعمل؟

في كثير طلاب ما بيلحقو حالهم غير لما يقرب موعد الامتحانات هل معنى انو مش باقي كثير وقت يعني أيأس وأقعد أستنى الفشل يجيني؟
في مثل هالحالة في عدة نصائح وخطوات اذا اتبعتها باذن الله ما بتخسر وهي :

-1- اللي بيحفظ ما بعمرو بيفهم واللي بيفهم أكيد تلقائي بيحفظ
يعني لما تدرس ما تحاول تحفظ المنهج وتظل تعيد وتزيد بس إقرأ الكتاب حتى تفهمو وتعرف شو فيه.

-2- القراءة الصامتة أفضل بكثير من القراءة الجهرية وبتكسبك التركيز

-3- حاول ماتترك اي شي من غير ما تقرأه

-4- صدقني القراءة ما بتنقاس بقديش من الوقت قرأت بل انها بتنقاس بقديش استوعبت من اللي قرأتو
ومنشان هيك ما تخاف ابدا لان الخوف هو سر الفشل

وخلاصة الحكي انو بس اقرأ اللي باقيلك من المنهج بتركـــــــز
ويوم الامتحان ما تحاول تحفظ بس حاول تقرأ الكتاب كلو كإنك بتقرأ قصة حلوة كثير وانت متشوق لمعرفة أحداثها

بتمنى للجميع الاستفادة