شوفو فهد كاتب ايه

غربة عمر مثل الحياة العنيدة
فيها الحزن عقد وفيها الشقا طوق

غربة عمر رحلة عذاب جديدة
وما كل منهو صار مطرود ملحوق

قصة كتبها جاير الوقت بيده
وعود محاها وانتهت قصة الشوق

----------

----------

هو رضا بإنكار حبي واعترافه
مات حبه لي وسط زحمة حنان

ليت من يحرق تباعيد المسافة
ليت من ياصله لو بعد المكان

ليت من يوقف على رملة ضفافه
لو وداع الموت له في يوم حان

----------

----------

بيني وبينك ما تصير التفاريق
مدام حبك كل شي بحياتي

بعض الكلام يحسني حيل واضيق
واقابل امواج العتاب بساكتي

لا لا يهمك جميع المخاليق
مادام انا ذاتك وانت ذاتي

----------

----------

لو كتبت اروع قصايد بالعمر
كل أحاسيس الهوى تخضع لودك

لو جمعت الدر واصداف البحر
ما تعادل كلها لو ربع وجدك

لو قطفت الود من حلم الزهر
باقة أشواقي اهي تنبت بيدك

----------

----------

بسامحك يا عابر الشوق مره
واقول وش حدك على قطع وصلي

بين العذاب وبين وقت المسره
دقايق تبكي معي واضحكت لي

لله در الحب .. لله دره
كم عذب العشاق قبلك وقبلي

----------

----------

ما خبرت الحب انا قبلك صعب
لين اعماني من الريح الغبار

كل عمر راح قبلك ما انحسب
تايه مالي ابلاد ولا ديار

كان لي حنيت ذا عز الطلب
وكان ما حنيت نسيانك قرار

----------

----------

حرام الخوف يقتل حبنا اللي
يغطينا عن الشمس بظلاله

حرام الخوف ياخذني بصدره
ويسدل ليله الأسود بداله

جدار الخوف ذا لازم أهده
واسطر لك انا قلبي رساله

----------

----------

دل الطريق وضيع الوقت غاديه
بين الزمان وبين قسوة ظروفه

لا عاد يبكيني ولا عاد ابكيه
ولا عاد هو شوفي ولا نيب شوفه

اقفى وخلاني ولي حاجة فيه
واللي منعني عنه خوفي وخوفه

----------

----------

والريح تصفع نظرتي
والدرب يتعب خطوتي
وامشي وهدتني الخطا
يا ساهر الليل هذي يدي
بشكي معك حبي
وها الحظ الردي

----------

----------

انا بستحلف اعيونك وقلبك
عذاب العام فيني لا تثيره

خلاص ارجوك خل الحب الاول
زمان راح شره بعد خيره

ابي وياك نبدا حب ثاني
بقا في عمرنا أيام كثيره

----------

----------

انت مثل البحر لك قلب كبير
عشت في دنياك في حب وسلام

انت مثل الغيم خير وفيه خير
صرت نوم اللي عيونه ما تنام

انت مثل النور في عين الضرير
لا لمحتك ما بقى حولي ظلام

----------

----------

الليل من دونك ترى شين ومخيف
وشلون اقضي باقي الليل دونك

عذب الحديث وهمسنا والسواليف
ومحاولة تبديد غيمة ظنونك

ماقد خبر وسط الشتا ياتي الصيف
وما ظن شخص يحب مثلك يخونك

----------

----------

ابكي على ما فات واضحك لما فات
واصبر واخفي ونة مستكنه

ان قلت يرجع لي يقولون هيهات
وعني مقادير الظروف أبعدنه

عاش الهوى بسكات وانهار بسكات
مثل الشجر لا مات بسكات كنه

----------

----------

طريق الليل ليمن جيت امره
دعاني صوتك الدافي دعاني

ياليت اسرق من العمر المسره
ياليت انه معك يوقف زماني

علي متأخر بالحيل مره
وراح الليل صوتك ما لفاني

----------

----------

ياشين بعدي عنه والنفس تهواه
مقوى بعاده لي ولا غيب عنها

حبه نشا في خافقي ثار بدماه
اتصير منه الروح ويصير منها

وان قالوا انسى قلت صعب انساه
وغلطات غيري صرت انا ادفع ثمنها

----------

----------

تعال وما مضى فيني كفايه
ترى للعمر بالدنيا نهايه

تعال وملت اشواقي تنادي
غلاك يصير شي من غلايه

ترى كل العمر رجعة مسافر
وفيها ينتهي عند البدايه

----------

----------

عذرك خذه خله معك .. لا تعتذر
عذرك وهم فيه الدعاوي تحتضر

عذرك خذه خله معك
يمكن في يوم ينفعك

----------

----------

يا بعيد الدار من عيني بعيد
الله اكبر كيف تبعدك الظروف

منت عقبي .. منت مرتاح وسعيد
وصرت عقبك بين هم وبين خوف

آه لو يكتب لنا عمر جديد
كان عشنا سطر من بين الحروف

----------

----------

انا ما ابكيك أنا ابكي حلم عمري
انا ابكي جنة الحب الجميله

نفذ من دنيتي مخزون صبري
وليل الحلم جدد بي رحيله

اشوف بخطوتك أحلام شعري
بكتك وضيع الخافق دليله

فهد مصر

فهد مصر
عجز لسانى عن التعبير من شدة روعة ما نزف به قلمك الرائع مثلك
روعة فيما كتبت وخطيت مبدع فى هذه الكلمات الجميلة
كلمات فى منتهى الروعة والجمال
تقبل مرورى

كل اشكر والتقدير علي الموضوع
لاحرمنا الله هذه الكلمات
لكـ خالص احترامي

» شوفو شوفو والا بتروح عليكم
» مصري كاتب رسالة حب بالانجليزي
» شو كاتب اسم امك وابوك على جوالك وبكل صرااحة؟؟
» عريس عصبي........شوفوا شو كاتب في بطاقة زواجه....
» وحدة سرقو ايميلها , تعالو شوفو الحصل شنو وحدة سرقو ايميلها , تعالو شوفو الحصل شنو طبعا اي واحد فيكم لو حصلت ليه الحكاية دى حيعصب ويعمل عمايل لكن البنت دى اتصرفت تصرف خلانى انا بالزات اعجب بيها والي عجبنى اكتر التصرف الي تصرفتو وياريت كل واحد فينا