اب يعاقب ابنو

موضوع: اب يعاقب ابنو السبت 16 أغسطس 2008, 9:33 am

الواحد لما بده اهله يرضوا عليه بيسمع كلامهم...

بس هما لما يكونوا زهقانين بيتفششوا فيه... بس طبعا ايش ما عملوو فهوا عسل على قلبنا ...

شوفوا أب زهقان نادا على إبنه وشو عمل فيه ,,,

الأب : ولااااااااااااااااااااااااااااااااااا
.
الابن (و بكل براءة) : نعم .
.
الأب: نعامة ترفصك تعال
.
الابن: ليش إيش سويت؟
.
الأب: سواك ضرب يخلع رقبتك .
.
الابن: إيشو فيه؟
.
الام : شوي يشوي عضمك رد على أبوك زي العالم المحترمة
.
الابن : هوة أنا حكيت شي؟
.
الأب: حكحكوا جنابك بالعصاية.. أوقف عدل يا حيوان
.
الابن : حاضر
.
الأم: يحضروا على قبرك.. لما أبوك يحكي إنت بتخرس.
.
الابن: أخرس؟؟
.
الأب: أيوة إنشالله خرسة
.
الابن: ماشي
.
الأم: إجاك مشش بركبك ما تقوم منه
.
الابن : شو هاد مشش؟؟
.
الأب: أما إنك قليل حيا و بترد بتم إمك هات العصاية و تعال
.
الابن: انا رديت على إمي؟ يما احكي كلمه
.
الأم: موا يمويك ... حكيتلك إخرس
.
الابن (( غلب على امره و سكت))
.
الأب: أما جيل قليل حيا صحيح... إحكي ولك مالك إنخرست انشالله خرسه.
.
الابن: شو احكي؟ إذا حكيت بتشوفوا كلامي غلط
.
الأب: ليش عُمي شايفنا و لا حوول؟
.
الابن: لا اله الا الله
.
الأم : الله ياخدك ويريحنا منك.. يا ريتني خلفت ابن جيرانا و لا خلفتك
.
الأب: انا مش عارف هادة الولد لمين طالع .. ولك وقتيش بدك تصير رجال..؟
.
الابن: طيب شو أعمل عشان تشوفني رجال؟.
.
الأب: إن شالله ما تطيب.. اخرس
.
الابن: يا ربيييييييييي خلاص عاد ممكن أروح؟ ليش ناديتوني؟
.
الأم: آه صحيح انت ليش ناديت عالولد؟
.
الأب: بتصدقي يا مرة.... نسيت.. مش عارف... خلص إنقلع..

ههههههههههههههه يا حرام

ههههههههههههههه يا حرام
يسلمو الكاسر
تقبل مروري.

تقبلنا مرورك طبعا ياعاشقة
مرورك نور الموضوع
واسعدني تواجدك
اهلا وسهلا بك

» جريمه لا يعاقب عليها القانون
» جريمه يعاقب عليها القلب بالأعدام المأ
» التلاعـــب بالمشـــــاعر جريمــــــه ..!! يعاقب عليها القلب
» جديد:حسام حسن يعاقب هاني سعيد بعد حديثه الحاد.. وإبراهيم يلطف الأجواء بعد عودته