قصة واقعيه بندر وملاك حزينه حيل

هذه قصة واقعيه ابطالها فئتان من المجتمع مثلوا الحب بحذافيره وارجوا قراتها كامله تدور بالسعوديه بمدينه الدمام :
بندر ولد قبيله من القبايل العريقه بالجزيره (يعني بدوي مكحكح) موظف
تتكون عايلتهم من
أبو بندر اللي هو ابوه
أم بندرا للي هي امه
وضحى والجازي هم خواته الكبار
وهنادي أخته الصغيرونه
وراشد اخوه الوسطي وجراح اللي بعده المهم بندر كان حيل حيل مزيون (يعني جرح زينه مسكت) بس كان ثقيل مايعطي ويه خيرشر كان يحب يلعب مع البنات يوم يومين ويقط الشريحه يصرفهم ماكان يعترف بشي اسمه حب !!
+++++++++
ملاك حضريه فري مره مره طالبه جامعيه قسمها عربي لانها موكانت شاطره حيل أبوها دكتور في الجامعه
وامها دكتورة أسنان
يعني حضاره وثقافه وفلوس ... الخ
كانت دلوعة اهلها مالها الا أخوين محمد وطارق وكلهم بالخارج
ملامحها كان كل احد يسألها يقولها أنت فيك عرق بدوي نجداويه .. كانت تقزز وتقول نونو أنا أستحاله أتخيل حالي من راعين الجمل
كانت سمراء عينها كبيره حيل وناعسه شفايفها بارزه وجنبها شامه حواجبها مرفوعه جسمها نحيف من فوق وديره من تحت
(يعني ملامحها تدل على الغرور)
++++

بندر : هنادي تكفين طلبتك اكوي ثوبي
هنادي : لا مابي بروح أبكش بروح المدرسه قول للجازي
بندر : الجازي فديت عمرك اكويه
ألجازي باقي كحلي اذلف عن وجهي ماخطيته بتاخر على محاضراتي
اقول : أشرهه مو عليكم علي أنا بس هين تجون
طيييب
بندر هات كندر جب شاورما بروح لصديقتي طييب (يمن الاخ)
هنادي : أوف بدت سوالف المنه جب يالله
المهم كوته الله بالخير
بندر : يمه
أم بندر : هلا
بندر: لوماجبتي بنات أسترلك وأوفرلبوي
الام : أفا ليش ياأمك
بندر : الوحده تاكل وتشرب ولاتساعد ولاشي لوأنكم تزوجونهم ابرك مقيوله (أكل ومرعى وقلت صنعه)
ام بندر : يمك توهن صغار لاحقات على الشقا
عقبال مفرح فيك وأشوف بزرانك تارسين البيت
بندر : لاتكفين ألا ذي زواج مابي أتزوج شايلن فكرته عن بالي
أم بندر: أخاف بس تضيعني وأنت حاط عينك على وحده ولاتبي تقول قول والله أنت بس تأشر وحنا حاضرين ..
بندر :لا حاط عيني ولاشي أساسا بهالوقت مافيه لاحب ولاشي فيه تسليه سمعتي فيها يمه
ام بندر : شنو
بندر : لاسلامتك الوكاد أبوي وينه
أم بندر : فالدواوين٠رح تقهوى عنده وتريق
بندر : لامستعجل عندي كذا شغله يالله فمان الله
*******
ملاك "
صحت متأخره كالعاده تناظر لنقالها امبيه سبع ونص ولا أحد فكر يصحيني خليني البس يادوب الحق على محاضرتي

فالطريق :

بندر : يسوق بهدوء وروقان ويدندن مع أبونوره :الا يدق نقاله
بندر : يالله أكيد ذا النشبه مشعل يبيله ريوق
بندر : سم
مشعل : هلا يالحبيب اسمع مابي اطول جب ريوق معك الدور عليك وتكفى بلا سوالف ا لشكشوكه والفول وكبده
بندر : نعم اجل شتامر ياحظرة الباشا
مشعل :
ياخوك تفدغت كبدي من ذا الروتين يعني دلعنا مو الراتب نازل امس عاد
أنت وذوقك ياذويق٠
بندر : طيب بس بلاتنغيز على بالراتب وسواليف ترفيع الجو
المهم سكر يالزطي بجيب فطور يالله
بندر : أووه على طاري الرأتب خليني اروح أمر الصراف اصرف
****
ملاك : لبست عبايتها ولفت ملفعها وبالطريق حست انها٠مصدعه فحبت تاخذلها كوب قهوة يروق مزاجها
جان : نعم
ملاك : روح ستار بكس
جان : انت في تأخر
ملاك : مالك دعوه بعدين محاضره محاضرتين ماتفرق
...
بس مر الصراف
.........
اللقاء
بندر : سفط بسيارته الجيب ويستعلم عن رصيده
وملاك بسيارتها سفطت وراه تنتظره يخلص
بندر : سحب رصيده وأخذ يسدد فاتورته وفاتورت امه يعني تنح الاخ
ملاك : اف شذا القرف ذا متى بيخلص
جان ماما دق بوري عشان هو يستعجل
ملاك : اي دق خليه يخلصنا على باله الناس فاضيه مثله
جان : شد حيله قعد يزمر بالبوري
بندر : أخذ السالفه وقعد يعاند وراح يسدد فاتورة الجازي (وبينه وبين حاله مع انها ماتستاهل ماكوت ثوبي)
ملاك : خلقه هي نفسيه لاومصدعه وتبي فنجان قهوه يعني ابعدوا عن دربها
ملاك : ذا متنحلي ذا الوجه انا براويه على باله صرافة ابوه
جان : ماما روح صرافه ثاني٠
ملاك: لا انا بنزله
وأخذت السالفه اتحدي ونزلت
أنت لوسمحت متى ناوي تخلص
بندر:شده صوت حاد ودرى انه موجه له
فتح الباب ونزل الايشوف ذيك البنت اللي تقول للقمر قم وأجلس مكانك

سمي : تقصديني
ملاك أيه أقصدك انت ( لمن شافته ارتبكت حست انه له هيبه ومشخص بالشماغ غير كذا مزيون )
يالله تجمع أنفاسها على بالك ماورانا مشاغل ولاشي وتشيل نظارتها : تراك بجد عطلتنا
بندر : لمن شاف عيونها
بسم الله ماشاء الله
وسكت سرح فوجها
ملاك : شطالع فيه هي ماترد علي(تسوي حالها قويه)
بندر: يحق لأمي اللي جابتني ماترد من الزين اللي قبالي من عذري ماأرد
ملاك : وكانها أنحرجت صدق فاضي خلصنا
بندر : تامرين امر يازين كله
ملاك صعدت سيارتها وحست قلبها دق وترجف
بندر : حرك سيارته ومشى بدربه

ملاك : تدودهت ويالله أسحبت
بندر : حس بشي بداخله جذبه لذا البنت
حس بسحر مو طبيعي
قال بينه وبين حاله انا شلون حركت وتركتها وراي صحيح غبي ورجع لدرب نفسه بيلحق عليها
ملاك : أسرحت بعالم ثاني أخذت تلوم حالها أنا شفيني ماعرفت أصف كلمتين على بعض يوم شفته هل لانه حلو بس مو ذا السبب أنا حسيت بشي ثاني حياتي ماحسيته
جان : ماما ماما
ملاك : نعم
جان : مدام ستار بكس كوفي
ملاك : اوه طيب بينها وبين حالها شفيني أنا
نزلت أخذتله كوفي وسارت للجامعه
......
بندر : رجع ثاني مره ولف يدورها ومالقها
أخذ يندب حظه انا شلون تركتها وراي ورحت هذي غير أحس قلبي نبض لمن شافها ...

الا يسمع

أبونوره يقول ،،
أنالك يابريق الماس انا الألماس وأنت لمعه الماسه وحساسه
حس بشي قوي يدفعه لذا البنت اللي من أول ماشافها حس بأرتباك
قعد يدور بالشوارع القريبه من الصراف على أمل انه يلقاها

وفجأه قطع افكاره الأخ مشعل بأتصاله
بندر : الله على النسيه ورد الو
مشعل : ياخوك وينك تراك طولت علينا
قلنا جب فطور مو ذبيحه
بندر : خير خير ان شاء جايكم
ومر فوال وخذلهم فطور كالعاده فول عدس وكبد الخ
مشعل : هلا هلا جاجا الفطور
بندر اجل ماقلتلك كشخ فطورنا وجب حركات بس ماش ماينفع فيك يالله العوض ولا القطيعه
مشعل : بندر
بندر : لبيه ( كان سرحان)
مشعل : فيك شي
بندر : لاسلامتك
مشعل : بكيفك اجل ترى راح الفطور راح راح الحق ياماتلحق
بندر : بالعافيه ورد بأفكاره
******
ملاك : اوصلت الجامعه وراحت عند صديقاتها
صباح الخير
منى وساره : صباحك عسل يامربى
ملاك : ساكته وتلعب بالقلم
بشعرها وتفكر
منى : ملوك قليبي شفيك
ملاك : هاه لا لا مافي شي
وأخذت تقول : بينها وبين حاله انا ليش أفكر فيه مادرى عني
ورجعت ملاك لطبيعتها
*********

رجع بندر للبيت راشد شخبارك يابندر
بندر : هلا الحمد الله
راشد : تكفى يابندر أبيك تقنع ابوي بسافر مع الشباب للرياض اسبوعين وراد
بندر : طيب يالحبيب جاك( وكأنه نسى موضوع ملاك)
الا على دخلت الجازي عساك ذخر يانور عيني انا فداك اي هذا الاخ ولابلاش
راشد : شطاري
الجازي : بندورتي سدد جوالي صارلي شهر أشحذكم محد سدده مو مثلك يالبخيل وبدا نقاش المعتاد بين الجازي وراشد(مونقاش هواش بس لزوم الذرابه)
اما بندر
كأن خيوط الأفكار بدت ترجعله وذكر الصرافه
وملاك وعيونها وحدت صوتها المهم قام عنهم وراح بداره يفكر بعمق
*********
ملاك وساره بالطريق للبيت ملاك : ساره بخاطري شغله بقولهالك
ساره : قولي ياقلبي فيك شي
ملاك : ساره انت قد حبيت ولد خالتك كيف حبيتيه
ساره : ماادري بالبدايه كنت أرتاحله وكنت لمن أشوفه يدق قلبي وكنت ارجف ماكنت اعرف أتكلم وكنت أذا شفته مانزل عيني منه
ملاك .. هنا سرحت وقالت فباله نفس اللي حسيت فيه يعني معقوله حبيت
ساره : ملاك .. ملاك
ملاك : هلا
ساره : شفيك وبعدين ليش تسألين : أقول لاتكونين طحتي بالحب

ملاك : هاه وكن ريقها نشف الظاهر كذا ٠
ساره : أنت تحبين لاماصدق يادبه ورى ماقلتيلنا ومتى وكيف صار ومنو
ملاك : شوي شوي علي بقولك السالفه كلها
وحكتلها كل الموضوع
ساره : طيب
ملاك : أيه ذا الموضوع أيش اللي طيب
ساره : يعني ماشوف فالموضوع شي أنت ارتبكتي يمكن لانك شفتي انه حلو وهو أرتبك لانك حلوه بس هذي المسأله
يعني ماشوف فيه ذاك الشي اللي يشد ويوصل لدرجة الحب
ملاك : وصابها الأحباط وتنهدت قالت يمكن الموضوع كذا
نزلت ساره لبيتها
ولمى وصلت لبيتهم
هااااي ماما
ام ملاك : أهلين حبيتي
تعالي تغدي معي
ملاك : لاماما تغديت بس بروح ارتاح شوي
أم ملاك : ملوك شقصة الهوشه اللي سويتيها اليوم
ملاك : هاه مام مين حكالك اكيد جان
أم ملاك : أيوه جان
ملاك : والله ماخليه بس ياماما الشاب راح بدربه ماقال شي
أم ملاك : بس ياماما الشباب مو كلهم واحد أحرصي على حالك
أوكي مام وراحت لغرفتها وقطت حالها على سريرها الفوشي
ولا جاها النوم حست بشي ثقيل حست أنها بالموت تاخذ انفاسها أخذت تذكر
بندر ذاك الشاب الوسيم بثوبه وشماغه وتنسيفته اللي زايدته حلا تذكرت كيف كانت نظرته لها نظرة شدة اقصى خفوقها
بعيونه السود الواسعه اللي كنها مكحله
تذكرة ملامح وجه اللي شدها بين المخاليق
بلونه الاسمراني
وخشمه المسلول
وسكسوكته
وطوله الفارع
ونبرة صوته الثقيل
فكرت فيه لمن نامت

أما بندر : حالته حاله أخذ مفتاح سيارته وطلع لشارع نفسه على أمل انه يلقاها لف ولف دق على مشعل
بندر : مشعل اطلع بمرك
مشعل : وين على الله وبهالقايله (يعني بين الظهر والعصر)
بندر : ماأدري بس أبيك بموضوع
مشعل : يالله على بال ماتجي اكون جهزت
ركب مشعل بالخير
علامك ياولد
بندر : أحس أني مشتت أحس اني ضايق ياخوك٠
مشعل : أفااا وانا أخو نوره تضيق وانا موجود
أقول سمعت بالي يقول : ياضايق الصدر بالله وسع الخاطر بس ماعرف الباقي يضحك ( وبدء وجهه يقمط لان السالفه مالها داعي وقعد يرقع>>>
يخسى الضيق وش فيك ؟؟
بندر : سفط سيارته بنفس الشارع وأشر على الصرافه
وقال : شفت ذي هنا شفتها وهنا خليتها وراحت وقلبي معاها
مشعل : (طبعا ماأستوعب الفكره )
افا وأنا أخوك لاتستحي مني جاك طلبك
بندر : يادلخ مافهمت قصدي مشعل : اجل ماعايزك فلوس
بندر : لا
مشعل : اجل ليش جايبنا هنا وتأشر على الصرافه
بندر : ياأكبر مفهي على وجه الكون انا أقصد وحده شفتها وحكاله الموضوع ( من البدايه مانذكره أختصار للوقت)
تلت قلبي ياخوك
مشعل : فجأه بخ ضحكه قويه أنت هيه تدري من هي ومن تكون صحيح غبي
أقول : فقع وجهي بملاس جريش أذا كانت تدري عنك
أقول على ماقال المثل :
(( ياذره ماحلمبك ))
بندر : تهقى (( وحس انه تحطم))
بس انا أحس بشي أحس اني أبيها
مشعل : سقها وانسى الوضع بتشوف غيرها أ مش بس ودنا للبحر خلنا نتمشى وناخذ لنا شي ناكله
بندر: وأنت ماهمك الا بطنك
&&&&&&&&&&

وجلس هو وملاك وكل واحد يفكر بثاني
وعلى بالهم ان الطرف الثاني مادرى عن الاول
&&&&&&&&&&&&
بعد مرور أسبوعين بالضبط
صحى بندر الصبح
قوه يبه قوه يمه
ألام والأب : هلا هلا
ابو بندر : بندر ناد أخوانك على الريوق
بندر : ياهنادي ياوضحى يابنات الريوق
ياراشد ياجراح
جراح جاء عند بندر وهمس له بندر أبي فلوس بطلع مع الشباب ومستحي أقول لبوي
راشد : بندر قلت لبوي بروح للرياض ولالا
أبو بندر : علامكم تساسرون فيكم شي
بندر : لا بس راشد يبي يروح مع خوايه للرياض وشرايك يبه تسمحله
وتراه طالبني أقولك وماودي ترده
أبو بندر : عشانك بس ولاهو مو كفو لادراسه ولامستقبل بس بيدشر بذا الديار
بندر : لاعلى ضمانتي يبه ومصروفه علي
وراشد هنا >> كشر بسنونه وقام حب بندر
أبو بندر : يابوك وفر من مصروفك وأدخل الاسهم ولا سو لك مشروع يأمن مستقبلك وراك عرس والتزامات
بندر : توني يبه لاحق على العرس والمشاريع
أم بندر : ودنا نفرح فيك
بندر خير ان شاء الله
الجازي وضحى وهنادي بصوت واحد
بندر تودينا
بندر : وين ؟؟
هنادي : يعني وين شايفني لابسه المريول بروح السوق مثلا
بندر : وين السواق مايوديكم
وضحى : أبوي قبل امس عطاه اجازه شهرين وراح لديرته وراشد راح يودي جراح للمدرسه
وضحى : تكفى أخلص بتاخر وراي حصه
بندر : يالله اجل اركبوا
وركبن الخوات وضحى قدام والجازي وهنادي ورا
بندر : شغل شريطه المعتاد وفنانه المفضل أبونوره
((ليت ربي ماكتب لحظه وداع ولافراق ولادموع ولاضياع وليت كل الناس خل مع خليله
...
وضحى : استغفر الله وسكرة المسجل
بندر : لاحول
الجازي : وضحي وبعدين وياك ماتخلين الواحد يروق
هنادي : اف معقده
وضحى ولاكلمه يالله صباح خير أغاني ودندنه فهجدن الخوات الثنتين
بندر قرر انه ينزل وضحى اول وحده عشان مايدوخ راسه ويفلها
في هالوقت ..
ملاك صحت بدري كشخة حست ان مودها رايق
هاي بابا : كيفك
ابو ملاك : هلا حياتي
شخبار الجامعه
ملاك : تمام
ابو ملاك : تعالي افطري معي
ملاك : سوري راح اتاخر يالله بابي سيوو
وطلعت مع جان حست بشي غير كانت رايقه حيل
في هالوقت >>>

وصل بندر هنادي وراح يوصل الجازي
في مواقف السيارات سفط جان وسفط بندر بجنبه
نزلت الجازي : بندر لاتنسى وص راشد يجينا فالطلعه
والعصر فضيلي حالك يالحبيب عندي بحث بروح للمكتبه ابي مراجع
بندر : ايه أخلصي الناس وراي تزمر
بنفس الوقت ...
ملاك نزلت من سيارتها وكانت بجنبها سياره جيب دققت فالشخص
ملاك : لا مو معقوله الاهذا هو
وأحتضنت عيونها الناعسه فارس احلامها حست بروحها ردت لها
لاكن يافرحه ماتمت حرك بندر ولاأنتبهلها
لاكن لفتت انتباها اللي نزلت من السياره بشنطتها البيج

بلا شعور راحت تلحقها دخلت الجازي وملاك وراها
وعند درج الجازي
كشفت الجازي برقعها وعبايتها وقعدت تعطر وتضبط روجها
وملاك : تنتظرها تلف
لفت الجازي ألا صديقتها جايت قعدت تسولف معاهم
ملاك : شافت بندر بوجه الجازي درت أنه أخته بعينها الواسعه السودا وبخشمها المسلول وشعرها الاسود الطويل شافت جمال الجازي ولقت أن جمال بندر يفوق جمالها
قربت حيل يمكن تلقط خبر تسمع شغله وتعذرت بعباته قامت تفصخها وتعذرت بنقالها تدقق فيه
عنود : الجازي من جابكم وملاك تسمع درت ان اسمها الجازي لاكن دققت زياده بالسمع تبي تعرف اسم حبيبها المجهول

الجازي : بندر >>> ولايطوفك صرف وضحى عشان نفلها مع ابو نوره
>>>ملاك تنهدت وحست بشعور غير عرفت اسمه وعرفت اخته فوق ذا كله شافته
في هالوقت جات ساره
هاي : ملوك
ملاك : ساره شفته شفت بندر وشفت اخته
ساره : ايش منو بندر ومنو أخته
ملاك : أشرت على الجازي شفتي ذي حفظتي وجهها ساره : هذى
ملاك : أيه
ساره : هذي الجازي
ملاك : تعرفينها
ساره : ايوه اعرفها معرفه وجه يعني بالقاعه بينا سلام
على الخفيف
بس وش قصتها معك ؟؟
ملاك :
تذكرين الشاب اللي عند الصرافه اللي حكيتلك عنه
ساره : ايوه
ملاك : هذا هو شفته اليوم لاكن مانتبه لي يوصل أخته فلحقتها وقفت بجنبها وقامت تسولف عنه وعرفت اسمها وأسم أخوها اللي هو بندر
ساره : طيب شناويه عليه أحس فبالك شي
ملاك : مافبالي شي لكن دريت اني أحبه لأن كلي فزله
في هالوقت ملاك الجازي وين ؟؟
ساره : مادري كانت هنا
وأختفت الجازي
ساره : وش تبغين فيها
ملاك : ابي أشوف بندر بوجهها مشتاقه له
ساره : من جدك تكلمين
ملاك : ايوه من جدي
ساره اقول أحضري محاضراتك أصرفلك وأخذت ملاك ودخلتها غصب فسكشن
&&&&&&&
مشعل : بندر اليوم عندنا عشاء فالاستراحه لازم تجي
بندر : ان شاء الله إذا قدرت لأن مواعد اهلي العصر بوديهم
مشعل : أنا قلت عشاء يعني بالليل مو بالعصر حمدالله وشكر
بس ماقول الا خلف الله على الأم اللي جابتك
أنت منزلقن عقلك من شفت البنت اللي عند الصراف
بندر ياخوك تراك تعيش باأحلام اليقضه أصحى يادلخ مادرت عنك
لاكن بندر مازال متمسك بالحلم
&&&&&&&&&&&&
التعارف الوقت ٤العصر

دقت ساره على ملاك وكانت نايمه
ساره : مساء الخير لوكه
ملاك : اهلين
ساره : نايمه
ملاك : لاخلاص صحيت
ساره : لوكه ابغاك تمريني عندي بحث بسويه ولازمني كذا مرجع
وسواقنا مشغول مع الوالد
ملاك : أوكيك بس وين تبين نروح
ساره : جرير لأن بحصل الكتب عندهم
ملاك : اجل بجهز وبمرك
..........
الجازي :تنادي بندر بندر
يمه ماشفتي بندر
أم بندر : بداره بس أضن انه نايم
الجازي : شلون ينام وانا حاطه عنده خبر
وصعدت تناديه بندر بندر
طلع من غرفته : لبيه
الجازي : اوه صاحي على بالي نايم
بندر : لا يالله ماتبين تروحين للمكتبه
الجازي : امبلى
بندر : اجل البسي عباتك لأن المغرب أنا مواعد مشعل بالأستراحه
الجازي : بس أنا بطول هذا بحث وعليه نص درجة النهائي
بندر : طيب بس اخلصي يالله عشان يمدي الوقت ..
فالطريق ملاك لساره: أنا مبسوطه من رديت صورته ماغابت عن بالي
ساره : صورت الحبيب المجهول
ملاك : لا مو مجهول هذا واقع وأبتدى معي لمن عرفت اسمه
ساره : يالله خلينا ننزل ترى وصلنا
٠:::::::
بندر : اي مكتبه
الجازي : اي شي بس ابي فيها كتب ومراجع
بندر : اجل مافيه الاجرير
الزبده وصلت ملاك وساره
ساره : شوفي بروح أدور المراجع وأنتي دوري أي كتاب تسلي فيه لمن ارد
ملاك : اوكي
وراحت تدور باقسام الكتب لقت لها كتاب عن الحب وجلست تقرا فيه
بندر وصل هو والجازي
بندر : روحي دوري مراجعك بس لاطولين
الجازي : بتخليني وتروح
بندر : أيه بروح اقرا اي شي
الجازي طيب بس لاتبعد ترى أخاف
بندر : وتخافين من شنو (يعني بتاكلك الذيابه )
ماما هذي ناس مثقفه محد رايق يطالع بخشتك وبرقعك الجازي : زين
راح بندر : لقسم الشعر وأخذ ديوان وأتجه لقسم القراء
ملاك : وهي تقرا طاح ملفع شعرها على كتفها
ففكت شعرها بتربطه عشان ملفعها يثبت
بندر : طاحت عينه على البنت اللي تعدل شعرها بخصله السودا الداكنه وقف يطالعها وكان قريب منها

ملاك : لفت ملفعها وضبطته بعدها حست أن أحد واقف قريب منها

وطاحت عينها بعين بندر
بندر : عرف أنها الحب اللي يدور عليه
أرتبك وقرب لها حيل
ملاك : لمن أستوعبت الوضع شهقت >>>
بندر
وفجأه حست انه بموقف لاتحسد عليه
بندر : لبيه ياقلب بندر تعرفين اسمي
وجلس بالكرسي اللي جنبها وملاك تصنمت ماعرفت شتقول
.
.
.
بندر : شوفي يابنت الناس انا ماعرف عنك شي شفتك عشقتك واللي خلقني ماغبت عني
ملاك : قعدت تطالع فيه بأرتباك أنت مين؟؟؟ وشتبي ؟؟؟
بندر : لمى شاف عيونها ضاع
هماك تنادي بندر وتعرفين اسمي
وقعد يبتسم حاول يلطف الجو
أبتسمت ملاك : قالت بخجل زين شتبي ؟؟
قال : أبيك أنا من شفتك ماغبتي عني ولحظه
الا جواله يدق
طلع جواله الاهي الجازي
بندر وينك خلصت
: بندر : طيب جايك
بندر قال لملاك : أنا أبيك ومن أسمي اللي نطقتيه شكلك تبيني
(وفي هالحظه)
وطاح الكتاب اللي بحضن ملاك على الارض من كثر ماهي مرتبكه
أخذ بندر الكتاب وطالع فيه الاهو كتاب عن الحب
كتب على وجه الكتاب رقمه
وطالع بملاك : تكفين ماأبي أضيعك من أيدي ضيعتك مره وماأبي أضيعك ثاني
أنتظرك
ملاك : عضت على شفايفها وطالعت بندر
بندر سرح فيها لحظه
الا ساره جت وقربت لملاك وبندر
ساره : ملاك مين هذا
بندر : عرف اسمها > ملااااك عاشت الاسامي اسم على مسمي
ساره : أنت مين وشتبغى صدق قليل ادب
بندر : (مالقى وجه لساره) وناظر لملاك أبتسم لها وقالها أنتظرك فمان الله
وقفى
ساره : تعال ياقليل الأدب
حسابك معاي
ملاك : وهي جالسه لا لا مومعقول
ساره : منو ذا وشيبي
ملاك : هذا الواقع هذا بندر
ساره : صدق وكيف عرفك ومتى شفتيه
ملاك : ماادرى بس القدر جمعنا
ساره : ملاك طيب أحكيلي
ملاك : خليني أعيش هاللحظه وبعدين احكيلك
(بندر بهالوقت )
ركب السياره ورقع بصوت المسجل
الجازي: ياهوه فجرت اذاني سكره
بندر : المكان اللي تبينه بوديك أمري تدللي
الجازي : وهي مستغربه شطاري
بندر : صارلي شي كنت أتمناه من زمان
الجازي : وكأن علامات الشك بدت تدور فراسها
ليش شنو اللي صايرلك هاه
بندر : وكأنه مسك بريك اللي صاير لابس انك أختي هاها > يرقع
المهم وصل البيت وجلس بغرفته ودق على مشعل
وقاله
بندر : هلا مشيعل
مشعل : هلا هلا
بندر : اسمحلي ياخوك ما أقدر أجيك عندي ظروف
مشعل : حصل خير
بندر : يالله اجل فمان الله
مشعل : هووه ياولد انطر شني الظروف مايصير أتقولي
تراني خويك وضفر مايطلع من اللحم >>> يتميلح يبي يعرف الوضع
بندر : وهو مستعجل بعدين بعدين >> خايف تدق ملاك ومعاه أنتظار قفل الخط
وجلس ينطر يطالع فنقاله ويدعي ياربي أنها تدق
ملاك : ردت البيت
هي وساره وحكتلها الموضوع كله
ساره : طيب أنت وش بتسوين
ملاك : وحاظنه الكتاب اللي فيه رقم بندر
ماأدري بس شكلي بدق عليه
ساره : لاياغبيه أثقلي شوي
لايقول هذي مشفوحه
ملاك : أنا مافيني أتحمل أكثر من كذا جد جد ماأقدر
ساره : طيب انتي متأكده من مشاعره
ملاك : ايوه بس لوتشوفين كيف كانت نظرته لي وشلون كان مو مصدق أنه بيشوفني مره ثانيه
ساره : إخذيها مني والليله لادقين أو الأسبوع كله
ملاك : ليش ماأدق ؟؟
ساره : كذا علشان تثقيلين عليه ويتعلق فيك بزياده
ملاك : طيب
الساعه عشر ونص بالليل :
أبو بندر :ينادي بندر يابوك تعال تعشى
بندر : لايبه بس ما أشتهي (مايبي يطلع من الغرفه يخاف ملاك تدق وماتلقاه )
أبو بندر : تعال ونسني اجل راشد فالرياض وجراح نايم
بندر :أن شاء الله جايك
بندر :بينه وبين حاله شلون أنزل وإذا دقت ملاك
قال بنفسه بنزل نقالي وأذا دق استاذن من أبوي وبطلع اكلم
نزل لبوه وقعد يسولف وكل شوي يناظر فنقاله
أبو بندر : بندر عسى ماشر
شفيك
بندر : سم لا لا ماشر
أبو بندر : وراك تناظر جوالك بندر : لايبه انطر حدى الربع يدق علي
أبو بندر : المهم بروح انام تصبح على خير
بندر : وانت من هله
وبسرعه صعد لغرفته وطفى الليت وينتظر ملاك
جت الساعه وحده ومادقت ملاك : تذكرة كل اللي صار وقفت بندر ونظرته لها وهي كيف ارتبكت لمى شافته
هم باللحظه ذي بندر تذكر لمى شهقت ونادته بندر قعدت يفكر بس هي شلون عرفت أسمي وكيف
قال بخاطره إذا دقت بسألها وجلس يطالع فنقاله ومره يقول تدق ومره يقول ماراح تدق
لمن جت الساعه ثنتين وعشر :
قررت ملاك أنها تدق
قالت : بدق ثلات دقات أذا مارد ماراح ارجع ادق
وأخذت نفس عميق ودقت بندر : يطالع مو مصدق رقم يدق أكيد انها هي
ورد بندر : الو
ملاك : ساكته
بندر : ألو
تكفين تكلمي ريحي قلبي
ملاك ردت بصوتها المبحوح
: الو
بندر : ياهلا بذا الصوت هلا ومرحبا
ملاك : اهلين
سكتت ملاك
بندر : كيفك
ملاك : أنا تمام أنت كيفك
بندر : ياحياتي تو حالي زان لما سمعت صوتك
بندر : ملاك إذا تسمحيلي ممكن أعرف أنت منو أو أقول : أنابتكلم عن حالي
أنا بندر مساعد ال...(ي)
أكبر أخواني موظف
وقعد يحكيلها عن حياته
وحياة اهله
وأنتي : ملاك انا ملاك فارس من عايله وحيده أهلي مالي الا أخوين ...


بعدها بدء يتعرفون على بعض
وفي نص المكالمه
بندر : ملاك كيف عرفتي أسمي
ملاك : عرفته لمن امس جبت الجازي للجامعه شفتك
لكن أنت ماشفتني فلحقت الجازي وسمعتها تسولف عنك وعرفت أسمك
ملاك : بندر أيش اللي عجبك فيي ؟؟
بندر : ماأدري بس شي شدني وجهك أحس فيه سحر مو طبيعي جذبني لك
لما رفعتي نظراتك أحس بعيونك قصيده ماقد أحد كتبها
ملاك : قعدت تسمع لبندر وهي بعالم ثاني
(في هالوقت أذن الفجر)
بندر : ملاك سوري طولت عليك ومانمتي
ملاك : لاعادي
بندر : طيب أستاذن بروح اصلي وبنام ساعه قبل الدوام يالله قومي صلي ونامي
ملاك : أوكي تصبح على خير
بندر : وأنت من هله

ملاك : بينها وبين حاله يالله شقدارتحتله عن جد لقيته غير أحس انه شخص مثقف حنون صحيح انه ماقالي ولا كلمه بس هالمكالمه وضحتلي أشياء كثيره

بندر : أول ماسكر من ملاك يالله صدق اسم على مسمى حس بشعور قوي أشتاق لها

رجع دق عليها
ملاك : الووو
بندر : هلااا
ملاك : أهلين
بندر : ملوك اعذريني أزعجتك
بس أناااا
أشتقتلك
ملاك : كيف وأخذت نفس عميق هم أنا
بندر : هم أنا أيش
ملاك : مشتاقتلك
بندر : ومو مصدق فديت
عمرك
ملاك احبك جد جد أحبك
ملاك : وأنا أحبك حيل
قوت العلاقه بين بندر وملاك يوم عن يوم كان يشوفها لمدة شهر في الصباح لمن يودي الجازي للجامعه بس من بعيد
حتى أنه في أحدى المكالمات علمها أشياء
ملاك : بندور
بندر : لبيه
ملاك : سكتت ماعرفت ترد على ذا الكلمه وقعدت تضحك
ملاك : يعني كيف
بندر : قعد يضحك ياحبي إذا أحد قالك لبيه
ردي عليه : يالبا قلبك
ملاك : اوكي
بندر : لاتقولين أوكي قولي طيب
ملاك : يعني بتحكم فيني
بندر : لاياعشق بندر أنا بس أبغاك نفسي فكل شي لانك انت روحي

ملوك : حبيبي بسمعك شغله بندر : أيش
ملاك : وسمعته اليسا عيشالك أحلى سنين فالعمر ياضي العين
بندر : مع أن الأغاني ذي مو مودي بس تسلمين
ملاك : اجل أيش الأغاني اللي تحبها
بندر : أحد صاحي فبيتكم
ملاك : لا ليش بتجينا
بندر : لا كيف اجيك بس بحطلك علبه وفيها كل الأشرطه اللي أسمعها
بس ابي منك شغله
ملاك : سم حبي ( تعلمت البنت )
بندر : أبغاك تطلين من عند الشباك دقيقه بس
ملاك : ليش
بندر : مشتاقلك
ملاك : طيب أش رايك الحوش مافيه أحد أشوفك دقيقه
بندر : لا ماراح ادخل بيتكم الا أذا جيت أخطبك
ملاك : كييف وهي مستحيه
بندر : أنا فدى اللي تستحي يالله بسكر وبجي قبل يفج الفجر
ملاك : طيب حبي لاطول
بندر : اسمعي إذا دقيت دقه اطلعي عند الشباك
ملاك : صار قلبي
وصل بندر عند بيت ملاك : وحط العلبه وياه كيس
ودق دقه
ملاك : فتحت الشباك ناظرت لعيون حبيبها
وهو انهبل لمن شافها
كانت لابسه بيجامه ستان كحلي وفاتحة شعرها
أشر على القمر وأشر عليها وبعثلها بوسه وركب جيبه
بعثلها مسج :
شفت القمر وشفت وجهك فيه
وشفت زولك اللي تل أقصى حشاي
حبي افتحي الكيس واسمعي الشريط اللي ويا الكاكاو ::

ملاك : لمن فتحت العلبه اغلب الاشرطه طربيه ولمحمد عبده وطلال مداح
وفتحت الكيس
لقت فيه : كتكات وكندر وعلبه كوكا وعلكه (بندر يحب الكتكات وهي تحب الكندر) طلعت الشريط وسمعته : أغنيه عبدالحليم أول مره تحب ياقلبي
دق عليها بندر من يوم ورايح اسمعي لذولا وعلى فكره شكلك خيال ياخيال

كان يصحى الصبح ويكلامها وقبل النوم يكلمها
مرت خمس شهوروالحبايب هايمين فبعض
&&&&&&&&&

في أحد الأيام في الدوام
مشعل : بندر بغيتك فموضوع
بندر : سم
مشعل : بما أنك صرت أخوي والهوى اللي أتنفسه
وعزيز علي
بندر : امم أخلص شتبي
مشعل : ودي أقولك بس مستحي
بندر : مو لايق عليك٧
مشعل : تبي من الأخر ابي القرب منكم
بندر : يضحك
والله الساعه المباركه
مشعل : بغيت اختك وضحي يقولولي صاحبت دين
بندر : وضحى بس وضحى مفوته لولد عمي ضاري
مشعل : اجل الثانيه
بندر : والله تصلحون لبعض أنت فاصل والجازي افصل منك
بندر : حصل خير أكلم الأهل واردلك خبر

بندر كلم امه وابوه فالموضوع والجازي وافقوا و
لكن بندر توهق
وفي يوم ملكت الجازي :

أبو بندر : بندر يابوك لى متى وأنت على ذا الحال
بندر : أي حال يبه
أبو بندر : شف هذا خويك مشعل بيتزوج
وانت عمرك ا٢٥ والا الحين منت ناوي تعرس
أم بندر : اي والله ود عيني أشوفك تارس هالبيت بزران
بندر : ان شاء الله يمه قريب
أبو بندر : أنت ماينفع معك بس خليني أقوم أجهز حالي قبل لايجون الضيوف
راشد : يرفع حجاجه لبندر يمه عن قرييب أن شاء الله وعروس بندر جاهزه
بندر : نط عيونه لراشد
أم بندر : منهي يمك من بنات ربعنا
راشد : هاه لاأمزح ( بلع العافيه )
بندر : أخذ راشد على جنب وش الكلام الي تقوله ومن تقصد
راشد : أنت تدري وش أقصد ملاك القلب & هاه
بندر: وانت وش دراك
راشد : أدري قالتلي الجازي
بندر : والجازي من قالها
راشد : رح اسألها بس ترى محد يدري الا انا وياها
بندر : ينادي الجازي
الجازي : (مستحيه على بالها بيكلمها عن مشعل) هلا ياخوي
بندر : وش دراك عن سالفتي انا وملاك >> معصب
الجازي : مالت عليك على بالي مناديني عشان مشعل
بندر : استحي ياخذ ذا الوجه هذا وانتي ماأخذتيه تو أخلصي علي شدراك
الجازي : شفتك لمن تكلمها بالمكتبه
واللي أكدلي يوم توصلتني للكليه كانت توصل بنفس الوقت الي اوصل فيه
وهم نظراتهالي
بندر : طيب شرايك فيها
الجازي : زين ماأخترت البنت ثقيله ومحترمه وماعمري سمعت عنها العيبه وغير كذا خشف >> (يعني مزيونه حيل )
بندر : يطالعها ويبتسم
الجازي : بندر قبل كانت تكشف وجهها أنت قايلها تغطى
بندر : ايه
الجازي : أهاااه ليش تغار عليها
بندر : وأنت شيخصك
أبو بندر : بندر الضيوف وصلوا
بندر : سم سم جايك

الجازي : ياويل حالي
بندر : علامك
الجازي : هاه لاولاشي بس خايفه (ترقع)
بندر للجازي : المهم أبيك تعرفين عليها
الجازي : طيب بس ليش
بندر : بعدين بتعرفين
تعرفت الجازي على ملاك وقامت تكلمها وتوثقت علاقتهم فبعض حيل
الجازي : ملاك شرايك تزورينا
ملاك : أن شاء الله قريب
الجازي : لاجد ودي تزورينا قبل لاأروح بيت زوجي أنتي عارفه زواجي بالصيف وماباقيله الاشهرين ونص
ملاك : أن شاء الله بقول لبندر إذاوافق بجي
الجازي : وش خشر خشم بندر بسالفه
ملاك : لايزعل إذا طلعت من غير رايه
الجازي : ياغبيه بتجين بيت أهله صحيح غباء
ملاك : ولو بقوله وأردلك خبر

&&&&&&&&&&

دقت ملاك على بندر

ملاك : هلا يادفاي
بندر : هلا حياتي
ملاك : بندوري الجازي عازمتني عندكم فالبيت أيش رايك اجي ولالا
بندر : وهو فاز ياهلا ومرحبا محيك الله من ممشاك لين ملفاك
ملاك : اجل انا بكره عندكم
بندر : حياك يانور عيني

بندر استغل الفرصه وراح للجازي
الجازي تكفين
الجازي : نعم وش تبي
بندر : عرفي أمي ووضحى على ملاك
الجازي : ليش
بندر : لابعدين بتعرفين
الجازي يا حبي عشقي أنتي
الجازي : هاه امر
بندر : بغيت اطلبك طلب صغيرون
الجازي : شنو
بندر : بقعد مع ملاك دقيقه
بس
الجازي : لالالا اا شنو أنت بتفضحنا
بندر : الله لايجيب الفضايح بس انا ودي اشوفها عن قريب
الجازي : بتقنعني انك ماشفتها
بندر : يشهد علي ربي ماقد شفتها دايم المسافه٠بيني وبينها تكون بعيده
الجازي : طيب بس أقول دقيقه ماطول
بندر : ابشري
&&&&&&&&
بندر : راح للسوق وشرى لوازم الكيك وسوالف كلها وشرى لملاك سلسال ذهب فيه أسمها دق على ملاك
بندر :ملاكي
ملاك : لبيه
بندر : أكيد بكره تجين
ملاك : اكيد ياقلبي
بندر : لوكه بكره بروح الاستراحه أنا واخواني يعني خوذي راحتك مع امي وخواتي فالبيت( يكذب عليها يعني طقت السوبرايز)
ملاك : بنبرة يأس طيب لأنها متوقعه تشوفه من بعيد


العصر
ملاك لبسة تنوره قصيره سودا وحطت ميك اب خفيف وفكت شعرها الناعم برز جمالها وحطت عطرها اللي ياخذ العقل طلعت خيال بخيال

دقت ملاك الباب وهلت فيها الجازي ودخلتها غرفة الضيوف وضيفتها وقعدو يسولفون

بندر : يطق الباب
الجازي لملاك : عن أذنك شكلها الوالده
ملاك : خوذي راحتك ٠
الجازي : انت شتبي صج نشبه
بندر : أبيها
الجازي : طيب شلون امي وضحى بيجون الحين
بندر : شوفي لهي امي وضحي ماراح اطول خمس دقايق
الجازي : طيب لاطول
بندر كان طاير من الفرح
دخل بندر على ملاك وسكر الباب
ملاك : وقفت وشهقت بندر مارحت وبعدين اطلع اهلك لايشوفونا
بندر : قرب لملاك وانهبل لمن شافها وشاف جسمها وشكلها
وقالها :علامك كل ماتشوفين تشهقين
قرب حيل منها وهي تبعد قالها : ماراح أسوي شي طلع السلاسال : إذا تسمحيلي ألبسك
ملاك : وأحمرت أخدودها من الخجل ايوه
ملاك : بعدت شعر ولبسها بندر وبعد مالبسها طالع فعيونها طبع بوسه خفيفه على شفايف ملاك البارزه ملاك : بعدته
بندر : لاتلوميني شفتك وأنهبلت
ملاك : بزعل طيب روح أخاف أحد يجي
بندر : طيب باسها مع خدها وطلع

الجازي جت ومعها امها وضحى
تعرفوا على ملاك وانهبلوا على جمالها وأخلاقها وخفة دمها

بعد ماراحت >> ملاك دقت على بندر :
بندر ليش تكلف على حالك ماله داعي
بندر : لاياعشقي لاكلافه ولاشي بس تصدقين ياحلو السلاسل برقبتك
وياحلو شكلك وياحلو شفايفك وقعد يغنيلها أغنيه محمد عبده :
وقف ترى لي مع شفايفك ميعاد
بيني وبين الموت معسول ماها

ملاك : سكرة التلفون بوجه
بندر : درى انها زعلت لأنه زودها حبتين
ورجع دق عليها ولاردت كتبلها مسج :
أعذريني بس جد ماقصدت الي فبالك كل مافالمساله اني ماقدرت أقاومك بس عن جد اسف أخر مره وصدقيني أنا صاينك وراح اصونك لمن تكونين في بيتي على سنة الله ورسوله


&&&&&&&

على العشاء العايله مجتمعه أم بندر : ماشاء الله على رفيقتك يالجازي زين وأخلاق
وضحى : أنا أشهد ماشاء الله عليها مافيها عذروب
الجازي : تضحك وطالع لبندر أي يمه شفتيه ذربه ومحترمه
ام بندر : أي والله سعد من تلفي عليه
راشد : يمه ورى ماتزوجونها بندر
بندر : هاه
أبو بندر : هي من معارفنا
ألجازي : لايبه حضريه
أم بندر : بس كلامها وطبايعها ماتقول حضريه كنها بدويه
وضحى : أي والله يمه حتى كلامها فيه من لهجتنا
هنادي : دامها كذا زوجوها بندر ماصارت بيشيب وماقد تزوج
أبو بندر : لا بندر انا كلمت أمس عمك ابو حامد وطلبت بنته لبندر
بندر : كيف وشلون تروح تكلم الناس ولا أخذت رايي
أبو بندر : أنا عطيت الرجال كلمه وماضن تبي تقطع رايي
أم بندر : ورى ماقلتلنا
أبو بندر : ومن متى الحريم كان لهم راي على الرجال
وضحى : بس يبه المواضيع ذي مافيها حريم ورجال هذي مواضيع أساسها الاتفاق
بندر : انا مانيب موافق وماضني اني مره تغصبها عالزواج( وأحتد الموقف بين بندر وأبوه )
أبو بندر : ليش فبالك احد ؟؟؟
بندر : أيه فبالي أحد وماراح اخذ غيرها
أبو بندر : من تطلع ذي
بندر : وبكل جرأه ملاك
العايله وقد غلبهم التعجب
أبو بندر : وكيف عرفتها
لحقت على ا لموقف
الجازي : لايبه الله يهداك هو مايعرفها ذي صديقتي الي نسولف عنها قبل شوي وانا قد سولفت لبندر عنها من زمان وأعجب بها لاأقل ولا أكثر
أبو بندر : وهماكم تقولن أنها حضريه
الجازي : الا يبه
أبو بندر : وانا ولدي ماياخذ وحده غريبه قلت بنات ربعه وقبيلته
بندر : انا غير ذا البنت ماأخذ لوتذبحوني ذبح ماأخذ غيرها
أم بندر : والحل يعني بتزوجه غصب
أبوبندر : أيه ذا مايعرف يسنع حاله وانا بسنعه
راشد : يبه بس حرام بندر مايبي
أبو بندر : انا قد عطيت الرجال كلمه وماراح ارجع فيها
بندر : طلع من البيت معصب

في هاللحظات قعد بندر على البحر و دق على ملاك

بندر : الو بصوت مخنوق
ملاك : هلاحبي وينك من اليوم أدق عليك
بندر : لابس كنت مشغول
ملاك : حبيبي شفيك ؟؟
بندر : لا ولاشي
ملاك : حبي قلبي قارصني من اليوم عليك
بندر : ملاك طلبتك لاتسأليني ؟؟
ملاك : طيب بس إذا هديت لازم تقولي
بندر : ملاك غنيلي
ملاك : طيب حبي >> كان صوتها جنان
غنتله : أغنيتهم اللي يحبونها
أنت غير الناس عندي
أنت عندي شي كبير
كيف بصبر وانا شايف
ناس من حولك كثير
وانا احبك وأقولها لك كلمه خليها في بالك أنا ماني اي عاشق أنا لمى أعشق أغير
في هاللحظات :
بندر مز زقارته وقعد يبكي بس ماحست فيه ملاك قعد يبكي لانه حس أنه بيفقدها
ملاك : بندوري
عشقي
بندر : سمي ياقلب بندر
ملاك : شفيه صوتك
بندر : لاحبيبي أنتي بس غنيلي
ملاك : بعد مامليت مني
بندر : يتنهد لاااا عمري كله
ماراح امل
غنتله لقيت روحي بعد مإنا لقيتك
بعد اللقاء ارجوك لا لاتغيبي
ملاك : بندر مابي افقدك بيوم
بندر : هنا ماتحمل وقعد يبكي
ملاك : بندر شفيك بندر لايكون تبكي
بندر : سكت وجمع انفاسه قال ملاك جيتي عالجرح
ملاك : شفيك
بندر : قبل لاقولك الموضوع تاكدي اني ماراح يتم هالكلام وان تم فالموضوع غصب عني وحتى لوتم غصب أنا مالي من الحريم الا أنتي
ملاك : أيش
بندر : أبوي مواعد عمي ومعطيه كلمه يبي يزوجني بنته بس انا رفضت وابوي واقف عند راييه
ويقول : انه عطاهم كلمه وأستحاله يرجع فيها
ملاك : بس بس خلاص لاتكلم كنت حاسبه لذا اليوم حساب
وانت يابندر بهسهوله تخلى عني
بندر : يصارخ لاتقولين هالكلام أنا ماراح أهدك لو تنطبق أرض وسماء
ملاك : تبكي بندر أنا أحبك أفهم أنا ماعيش دونك
بندر : ويبكي ملاك ماراح أخليك ليش بتقولين هالكلام
ملاك : بندر لاتروح عني لاتخليني
بندر : ياجنون بندر أنا أحبك أحبك يابنت افهمي ماراح ابعد
بندر : أنا راح أقنع أبوي اني بتزوجك
ملاك : وليش أهو رافضني
بندر : أيه وبحجة أنك حضريه
ملاك أنصدمت) خلاص يابندر أعفيني بسكر وبدق شوي
بندر : عشقي تكفين أنا محتاجلك لاتسكرين
ملاك : وهي تبكي بندر لاتشمت الناس فيني لاتهدني أنا قبلك ماعشت بندر أنت نفسي هواي كوني
بندر : دمعتك غاليه لاتبكين أنا أقوم ادنيا وقعدها ولاتنزل منك دمعه
أوعدك ماراح أتخلى عنك
ملاك : أخاف تخذلني لاتوعدني يابندر
بندر : أوعدك وانا قد كلمتي
بندر : ملاك بسكر وبروح البيت بتفاهم مع أبوي
ملاك : بندر
بندر :ياروحه سمي
ملاك : أحبك حيل
بندر : أنا اللي أعشقك مووت

&&&&&&&&&&&&&
بندر في هالوقت رجع للبيت وكلم أمه وخواته وقال لمه عن علاقته بملاك
بندر : يمه ولوتخيطون جلدي مع غيرها ماخذ غيرها
وتشجع وراح كلم أبوه
بندر : يبه هداك الله الامور ماهي بالغصايب بنت عمي مابيها أنا مابي الاهالبنت
أبو بندر : معصب شف بنت عمك اللي ماتبيها أولالك من الغريبه
بندر : طيب أنا مابيها
أبوبندر : شف ملكتك بعد بكره وأذا انت راضي تكسر كلمتي بين الرجاجيل فلا أنت ولدي ولا انا أبوك ومتبرين منك ليوم الدين
بندر : يايبه حرام عليك بتخليني بين نارين
أبوبندر : هذا كلامي لك عجبك ماعجبك الباب يفوت جمل
بندر تنرفز وطلع من البيت
أم بندر تلحق بندر : تكفى يابندرتكفى ياولدي لاتطلع مالي غيرك تكفى
طلع بندر وغاب عن البيت يومين وسافر للرياض

أم بندر وخواته دقوا على ملاك يسئلونها عن بندر

ملاك : هلاجازي
الجازي : ملاك ماتدرين وين بندر
ملاك : الا بالرياض
الجازي : ملاك خوذي امي تبغاك
أم بندر : هلايابنتي بندر وينه
ملاك : ياخاله بندر ادق عليه مايرد بس ارسلي مسج يقول أنه بالرياض
أم بندر : يمك تكفين طلبتك أقنعيه يرد البيت ويتسامح من ابوه وياخذ بنت عمه وبعد مايتزوجها يقدر ياخذك
بس تكفين خليه يرجع لاليلي ليل ولانهاري نهار

ملاك : حست انها موقف حرج ان شاء الله ياخاله
أم بندر : يابنتي حنا شارينك ترى بس خلي الأمور تعدي على خير
ملاك : طيب

دقت بعدها على بندر لين رد :
ملاك : بندر شالموضوع وبعدين ليش ماترد علي وليش مسافر
بندر : قالها الموضوع كله
ملاك :طيب يا بندر ليش تطلع من البيت
بندر : أنا مابي الا أنتي وتسأليني ليش طلعت
ملاك : طيب والحل
بندر : الحل أن ارجع للدمام بكره واجي أخطبك من اهلك
ملاك : انا ماني موافقه
بندر : وشلون مانتي موافقه
ملاك : إذا رضوا اهلك كلهم برضى انا
بندر : حتى انتي بتقفلينها بوجهي
ملاك : قعدت تبكي وقالت له حل أمه
بندر : لا أستحاله
ملاك : شف أهلي ماراح يوافقون أخذ مطلق بس انا بقنعهم
يابندر مافيه الا هالطريقه تجمعني انا وياك فبيت واحد
بندر : بندر تنهد أه ياحزم الضامي
واهمي هماه
أهلي ضدي
ملاك : لا يابندر لاتقول هالكلام أنا معك واهلك معك بس تكفى ارجع لهم واستسمح ابوك وتمم العرس وتراني أنتظرك عمري كله

بندر : فكر بالوضع ومالقى الا هالخطه عشان تجمعه بحبيبة قلبه بدار واحد

وسافر للدمام واستسمح ابوه وافق على العرس



&&&&&&&&&&
في يوم الملكه م
كلن بارك لبندر : لاكن بندر مايرد عاأحد
مشعل : عالبركه يانسيب يالله عرسي وعرسك في ليله وحده
بندر : لاتباركلي أنا كل هالعرس مابيه
مشعل : ياخوك هذا الدنيا تبيلها مساير أن شاء الله بتحقق اللي فبالك
بندر : تعبت يامشعل
مشعل : هونها وتهون
كلها كم شهر وبتاخذ اللي تبيها
أوأقول ( صدقني من العرس الاول بتنساهأ يضحك )
بندر : أقول مالي خلق ثقل دمك طيب
وملاك أستحاله انساها واستحاله أخليها
في هالوقت جاء مسج من ملاك كاتبه فيه
مدري أجامل وجرحي تنزف طعونه !!
ولا أعتذر للحياة بكل مافيني !!
&&&
الموت ماهو شلعة الروح من الجسد
الموت لامني دريت ان غيري كسبك
&&&
ركب بندر سيارته ودق على ملاك ولاردت
دق ودق ماردت
كتبلها :
أنا بدوي ولي اسمي وانا على الوعد يابنت
ماخلف فيه و لو حطوا بيني وبينك اسياج
رجيتك ردي علي
ردت عليه بصوتها المبحوح وهي تبكي الو
بندر : بكى لمن سمع الو
بندر :يناديها ملاك ،، ملاكي ،، ملوك ،، ويرجع يبكي
لوكه ،، ياعشق بندر تكفين لاتبكين
ملاك : تكفى تكفى يابندر لاتخليني
بندر : يصرخ لاتقولين تكفى
والله واللي خلقني ماراح اخليك
ملاك : تكفى يابندر لاتنساني
بندر يبكي يابنت الاوادام لاتقولين تكفى أنا وعدتك
ياملاك أنت هواي أنت عشقي مستحيل انساك مستحيل أحب غيرك مستحيل أعشق مخلوق سواك
ملاك : واقسم بربي اني أحبك لاتخذلني أخاف تاخذها وتنساني أوعدني يابندر أوعدني
بندر : اوعدك وربي أوعدك
بعد ماهدت ملاك
ملاك : وش اسمها
بندر : عبير
ملاك : متى حددت الزواج
بندر : بعد شهر
ملاك : سكتت قعدت تبكي لهدرجه مستعجل لاحق على نسياني ليش ماطولت الفتره عشان يمديني أشبع منك وأعود حالي على فرقاك
بندر : لاياملاك لاياقلبي مأقصد الي فبالك بس عجلته عشان أستعجل عالعرس وأخلص منه وأتزوجك
ملاك : بندر أخاف تعجبك
بندر : لاشوفيني حلفتلك وربي ماراح اقربلها ولاراح اجيسها
ملاك : بندر بحضر زواجك وبشتك وثوب العرس والبخور كله علي
تبكي
بندر : أنا أبيك تحضرين بس طلبتك بشوف وجهك بزواج طيب
ملاك : تبكي بندر أحس هذي أخر ايامي معاك
بندر : ياعشق بندر أنا وعدتك


قبل الزواج بيومين ارسلت ملاك لبندر الاغراض وحطتله كتكات وكندر وكتبتله حلى فرحك
أخذ بندر الاغراض لمن شافهم حضن الثوب وقعد يبكي
راح لبيت ملاك وحط عنده شريط وحط كندر وكتكات وكتبلها حلى زواجنا
أخذت ملاك الاغراض وسمعت الشريط
طلعت أغنية للجسمي :
لاتذكرني بحبك ياغناتي
لاتذكرني بماضيك الجميل
في صدى ذ باقزر حياتي
مستحيل احب غيرك مستحيل
دقت عليه وقعدت تبكي :
بندر : ياملاك ارحمي حالك وارحميني قولي وش اللي يريحك وأسويه
ملاك : بندر ليله زواجك ابيك تدق علي مابي شي يتغير انام وتنام على صوتي واصحى على صوتك مابيك تلمس حتى أيدها تكفى يابندر تكفى ياحبيبي ياحبي لاتخيب ظني فيك
بندر : وعد ملاك وطمنها
&&&&&&&&

ليلة الزواج :.
كشخت ملاك أحسن كشخه طلعت توب بثوبها العنابي احسن الزواج هي حتى انها أحسن من العروس نفسها وقعدت قدام الكوشه عشان تشوف بندر
بندر دق عليها سمع صوتها وسكر
ملاك : دقت عليه قالتله حبيبي أنتظرك
دخلت العروس
ملاك تناظرها صحيح كانت حلوه بس ملاك كانت اجمل منها بكثير
ملاك تقول لساره صديقتها ساره بذمتك اي احسن انا ولاهي
ساره : ملاك قلبي روقي أنت أحسن لاتنقهرين
في هالوقت٠
الطقاقه تغطوا ياحريم المعرس جاء
بندر دخل هو وأخوانه
ملاك : لبسة عباتها بس وجهها وشعرها مكشوف وتلثمت بشعرها عشان أخوان بندر ولمن راحوا اخوانه
وبندر : جلس بجنب العروس بعدت شعرها
بندر طاحت عينه بعين حبه
رقصت الجازي ووقفت ملاك تصفقلها بس عشان تخلي بندر يشوفها عدل
بندر : من بعد ماكان معصب ابتسم
ساره أسحبتها وقعدتها أنتي ناويه تفضحيننا
ملاك قعدت وتبادل الناظرات هي و بندر من بعيد : وحركت شفايفها
لاتخليني تراني أحبك
بندر : أشر على قلبه
وجاء وقت انه يقوم هو وعروسته
قام بندر وعينه بعين ملاك ولامسك يد عروسته
طلع من القصر وأخذ عروسته للفندق
ملاك : طلعت بعد مارقصت من القهر
وفي البيت
تدق على بندر ولايرد تدق ولايرد
بندر في هالوقت : قال لعروسته بدلي ونامي
وطلع
كتبتله مسج :.
بندر تكفى لاتخليني
ودقت دقت عليه مارد
كتبتله :.
كنت متوقعة هاللحظه بس حسافة كل ذرة حب عطيتكياها
بندر : دق عليها
ولاردت عليه
كتبلها :. طالعي من الشباك
فتحت ملاك الشباك ولقت بندر واقف بسيارته عند بيتهم دق بندر :. هلاحبي هلا ياعروس قلبي انتي انا وعدتك ولاراح اخلف بوعدي
ملاك : حبي جد خوفتني
بندر : تعالي يادبه صايره خيال في الزواج
ملاك : عشانك ياحبي
قعد يكلمها لصبح وبعدها راح لفندق
بندر لعبير : ليش مانمتي
عبير : شف ادري انك ماتبيني عشان كذا
ابطلبك طلب انا بغرفه وانت بغرفه
أذا تم شهر طلقني عشان الناس ماتحط العيب فيني
بندر : طيب موافق
وجلس يكلم ملاك نفس اول وبعد شهر طلق عبير
وكلم أبوه وأقنعه أن ماله الاملاك
راحوا خطبوا ملاك وبعد اربع شهور تزوجوا
في ليله العرس اجتمعت قلوب العشاق وحضن بندر ايدين ملاك وراحوا على بيتهم
بندر : ملاكي علامك
ملاك : لاولاشي
بندر : مستحيه
ملاك : أيه
بندر : ملاك قومي بدلي يالله ملاك : تو
بندر : يابنت مشتاقلك افهمي
وباسها من خدها
وتموا على هالفرحه شهر كامل
بعدها طلعوا في يوم يتمشون
بندر : حبيبي عطيني أيدك
ملاك : ليش
بندر : أخذ يد ملاك وباسها وعينه بعين ملاك
ملاك : تصارخ بندر انتبه
صارلهم حادث
ملاك نجت هي والجنين كانت حامل واول ماصحت
ماما بندر وين
ام ملاك : ياماما بخير
بس هو بالانعاش
ملاك : ودوني له
ابي بندر
أم ملاك : لاياماما ممنوع تدخلين عليه
ملاك : راحت لبندر
لمن شافت الاجهزه قعدت تبكي جلست بجنبه
همست بذنه وكانت ماسكه يده
بندر لاتخليني أناوولدك بندر محتاجتلك
بندر : مسك أيدها
وفتح عينه طاحت دمعه منه
طالع بمه وابوه وقرب ايد ملاك له حيل وضغط على ايدها
قربت ملاك وحبت جبينه وطاحت دموع ملاك على وجه بندر
ملاك لاتخليني يابندر
بندر : أنا وعدتك واوفيت بوعدي بس سامحيني الموت بياخذني منك
قربها له وطبع شفايفها على شفايفه
قال لبوه : وصيتكم ملاك وولدي
تشهد : وفاضت روح الحبيب فاضت روح بندر بعد ماأوفى بوعده لحبيبته وبعد ماضرب اروع قصه حب شريف طاهر تصدى لكل الضروف
اما ملاك عاشت على ذكراه وسمت ولدها بندر وكرست حياته لذكرى بندر ولدها بندر ..
وبكذا ضربوا اجمل مثال لعلاقه حب بين فأتي مختلفتين في المجتمع

بارك الله فيك

تسلم (الرئيس)123 على المرور

مشكور علي ما قدمت


احلي المواضيع













مع تحيات زيندن

يسلمووو زيندن على المرور

يسلمووو الجارحى على المرور