اسباب ترك الاعضاء للمنتدى قضية مهمه للنقاش

قضية ترك الاعضاء وهجرهم للمنتدى قضيه منتشره ومؤرقه

خاصة اذا كانوا هؤلاء الاعضاء بارزين في المنتدى سواء بكثرة

المشاركات او التميز في هذه المشاركات من خلال مواضيعهم

التي يكتبوها او ردودهم التي يردون بها او حتى المواضيع

التي ينقلونها من مصادر مختلفة

وهذا موضوع للنقاش ويحتاج منا الى جديه

فتفاعلنا معه بكل صدق وشفافيه يمكننا

من ازالة هذه الأسباب من منتدانا

واركز على الأسباب المتعلقه بالإداره

ارجوا من الإدارة فهمها فهي القدوه

فإذا تفاعلت معنا اقتدى بها بقية المشرفين

والأعضاء واذا تقاعست فعلى المنتدى السلام..

لا اريد الاطالة وحشو الكلام فخير الكلام ما قل ودل

احببت ان اذكر بعضا من الاسباب التي تدعوا الاعضاء الى

هذا الشيئ ومن عنده اضافة فلا يبخل علينا بها...

اولا:
تعرض الكاتب للتجريح من قبل عضو اخر ولم تقم الادارة
بواجبها في انصاف المخطئ عليه واخذ حقه

ثانيا:
عضو يتميز عن الاخرين في المنتدى ويبذل الجهود الجبارة
في انجاح المنتدى واظهاره بالمظهر الجميل بطرق شتى ....
((ولكن لا يقابل ولو بكلمة شكر او تكريم من ادارة الموقع
ما ذا تتوقعون ..؟هل ستقوى همته على المضي في نفس
المنهج الذي انتهجه في المنتدى ..!! ام يصاب بالاحباط ...!!))

ثالثاً:

قلة الردود وخصوصا عندما يجتهد الكاتب في كتابة موضوع ويتعب عليه ثم يفاجا انه
بقي بلا ردود او عددها قليله عندها يمسح الكوكيز ويترك المنتدى

رابعاً:

عدم السؤال عن العضو اذا غاب وطال غيابه فكان وجوده مثل عدمه
عندها يحجز ذهاب بلاعودة الى منتدى اخر

خامساً:

دخول بعض الأعضاء الى المنتدى وشغلهم الشاغل الرد على مواضيعهم فقط
دون النظر الى مواضيع غيرهم فهذا من اهم الفيروسات التي تدمر المنتدى.

سادسا:

قيام بعض الأعضاء بتنزيل مواضيع عده في يوم واحد دون مما يؤدي الى ذهاب المواضيع الأخرى
الى الصفحة الثانيه دون ان تأخذ حقها من الإطلاع والردود.

سابعاً:

تكرار المواضيع من قبل الأعضاء وسببه عدم تصفح الأعضاء للمنتدى كاملاً
وتجد انه لايدخل الى الصفحات الثانيه والثالته
إلا القلة من الأعضاء مما يسبب الإهمال لمعظم المواضيع

ثامناُ:

التركيز من بعض الأعضاء على قسم معين وخاصة ( سوالف المسابقات والألعاب)
وذلك لزيادة مشاركاتهم _ ليس العبرة بالكم ولكن بالكيف – دون الدخول للأقسام الأخرى.

تاسعاً:

غياب الادارة او المشرفين على الأقسام وانشغالهم عن مهامهم من حذف المواضيع
المكرره التي تسبب هضم لحق بعض الأعضاء ، وكذلك عدم الرد على
المواضيع الجديده والتفاعل معها.او الرد على اعضاء محددين ومعينين!!

أتمنى من الجميع التعليق على كل سبب وكما ذكرت في البداية
الي عنده إضافه لايبخل علينا... ا

و بانتظار ردودكم و تعليقاتكم
بكل شفافيه

يسعد مساكي يا
عاشقة الغروب الحزينة
في البداية بشكرك علي موضوعك يلي كتبتيه انتي
انتي بموضوعك كاتبه انه اوقات الكاتب بيتعرض للتجريح من قبل اعهضاء اخرين بالمنتدي
وهالشي ما عمره حصل ولو صار وحصل والادارة عرفت بهيك شي
اكيد بتتصرف فورا
وبتتخذ الاجاراء اللازم بحق المذنب
وبتوقفه عند حده كمان
مافي موقف بيصير وبيمر من غير ما الادارة تتصرف مع المذنب
وترجع للكاتب حقه وفوقه بوسة ووردة كمان

ثاني شغلة
قصة انه في اعضاء مميزين ومجتهدين بالمنتدي وما اهتمت الادارة بهيك شي
عندك اعضاء مميزين وبتقدري تشوفي شهادات التقدير يلي موجحودة تحت توقيع كل عضو منهم
غير هيك كل اسبوع بيتم اختيار العضو المميز بالمنتدي ووضع اسمه في لوحة الشرف بالصفحة الرئيسية بالمنتدي طبعا تركيزنا بيكون علي العضو يلي عنده مواضيع وردود
مش علي العضو اللي اكثر مشاركات
وبتكون اغلب مشاركاته بقسم التسالي والمرح
عندك اعضاء ماشاء الله عليهم
الهم مواضيع بكل قسم وردود كمان حلوة ومشجعة
مش بيعمل نسخ ولصق للرد تبعه
اللي زي هيك صعب انه يكون مميز او ينكتب اسمه بلوحة الشرف
لانه في بيكون عضو احق منه بهيك منصب

تالت شغلة
قلة الرودو بالمنتدي هاي شغلة موجودة بكل المنتديات
مش بس بمنتدي ميدو وبس
بتقدري تفوتي علي اي منتدي
وتشوفي مواضيعه
راح تلاقي انه في مواضيع عليها ردود ومواضيع مافي عليها رد بالمرة
يعني هالشي وارد ومتوقع باي منتدي
انا مابعتبر انه هاي مشكلة او سبب من الاسباب يلي تخلي العضو يترك المنتدي بكل بساطة هيك

رابع شغلة
قصة غياب الاعضاء المتكرر كتير حصلت هالشغلة هادي
وفقدنا اعضاء وغابو عنا اعضاء
وكنا نسال عنهم بشكل يومي ونكتب مواضيع نسئل فيها عنهم
وكنت انا شخصيا ابعت رسايل الهم علي الخاص بحالة انه اول مايفوت المنتدي يلاقي الرسالة بانتظاره
بس غياب الاعضاء اصبح متكرر بشكل متواصل
بل انه اصبح روتين يومي

خامس شغلة
انه الاعضاء يلي بيتواجدو فقط علشان يرد علي مواضيعه ويكتب مواضيع وبس
بدون مايرد علي مواضيع غيره
فانا بحكي شغلة وحدة لن تستطيع ارضاء الناس جميعا
او اجبارهم علي شي هم مش مقتنعين فيه

سادس شغلة
قصة المواضيع اللي بتنزل باليوم الواحد
مخصص انه بكل قسم موضعين فقط لا غير
وبتقدري انتي او غيرك يشوف كل الاقسام بالدور
راح يلاقي انه موضوعين فقط لكل عضو
بس ممكن اسم العضو يتكرر لانه بيكون منزل قبل هيك مواضيع
يعني شوفي تاريخ كل موضوع ومتي نزل بالقسم وبتعرفي
انه مسموح موضوعين فقط لا غير

سابع شغلة
المواضيع يلي بنلاقيها مكررة
تلقائيا بيقوم طام المشرفيين والاداريين بنقل الموضوع
علي قسم المواضيع المكررة مع وضع رابط الموضوع القيدم
للتاكد من قبل العضو انه موضوعه مكرر

تامن شغلة
مش عارف شو بدي احكيلك عن الاعضاء يلي بتشارك فقط بهالقسم
بس هم هيك علشان يكونو بالصورة
من رابع المستحيلات انه يكون اسمهم في قائمة المميزين
او في لوحة الشرف
يعني مش راح ياثر هالشي كتير علي المنتدي
بالنهاية هم احرار
وكل واحد بالاخير سيد قراره

تاسع شغلة
غياب المشرفين او الاداريين
هالشي ورد بالفترة الاخيرة كتير كتير
وانتي طبعا اول من غاب يعني
خلينا نكون صريحين مع بعض شوية
وبعد غيابك رجعتي
وتم ترقيتك من مشرفة قسم الي مشرفة عامة
يعني اصبح معك صلاحيات علي كل اقسام المنتدي
غير هيك
انا عامل قسم خاص
للمشرفيين والاداريين بالمنتدي
وكل مشرف بيصير عنده ظرف طاريء او بدو يغيب لسبب معين خاص فيه
بيكتب طلبه بالقسم الخاص بالمشرفين
وانا بوافق علي طلبه
لكن اللي كان يغيب من غير اي اذن او من غير ما يعلم الادارة بغيابه
بعد فترة بيتم عزله من الاشراف
وتعيين عضو بدلا منه

بعد يلي حكيته انا في ردي علي موضوعك
حابب اضيف شغلة صغيرة وبس
وهيا
انه اي عضو او عضوة
بيتعرض لاي اهانة لا سمح الله
او اي مضايقات سواء بالمنتدي او بالشات او عن طريق الرسائل الخاصة
وللاسف هالشي بيصير حقيقي مش كزب
بس ما لقيت اي شكوي اتقدم فيها عضو وبلغني
انه فلان من اعضاء بيضايقني عن طريق الرسايل او عن طريق الشات
علشان اتصرف مع العضو المشاغب واوقفه لعند حده
وللمرة الالف راح احكيها للكل
اي عضو بالمنتدي بيتعرض لاي مضايقات بالمنتدي عن طريق الرسايل الخاصة ياريت انه يبلغني
او يكتب الشكوي تبعته في قسم دفتر ملاحظات المدير
ويصور الرسالة يلي انبعتت اله من قبل الشخص الاخر
وكل عام وانتم بخير
والله من وراء القصد

سيتم نقل الموضوع الي القسم العام
ليتابعه جميع الاعضاء بالمنتدي
ولو اي عضو عنده تعليق او اي اضفة علي الموضوع
يتفضل يكتبها

كلام الكاسر صحيح 100%
وكمان ان الي كتير بهالمنتدى
عمره المدير ما غاب حتى لو غاب في مشرفين يسدوا عنه
وكمان عمري ما شفت اي عضو او مشرف هزّئ أو جرح عضو بالعكس
هالمنتدى عنجد أحسن من اعضاءه ما شفت
تحياتي

انا مع كلام الكاااااسر وهوا كلامة صح 100 فى ال 100

[b]اتمنى من جميع الاعضاء اخذ كلام الكاسر بجدية وعقلانية لانو كلام الكاسر مش ناقصة الا التنفيذ من قبل جميع الاعضاء والمشرفين وبنشكر الكاسر على جهودة العظيمة المنتدى محتاج منا بجد وقفة من القلب

الحقيقة..الصراحة الشديدة من كاتبة الموضوع والاهتمام وسعة الصدر والتوضيحات ياللى قدمها المدير العام شيء كتير ايجابي وعجبني كتير وبالرغم من إنى عضوة جديدة ومالي مشاركات بالمنتدى بس بصراحة انبسطت كتير لوجود مثل ها الروح فى المناقشة بالمنتدى..أتمنى من المشرفين إنهم يفكروا فى موضوعات أو أشياء تجذب انتباه الاعضاء وتغريهم للمشاركة فيها وهيك بيكون التواجد أكتر والتواصل بين الاعضاء وبعضهم وكمان بينهم وبين المشرفين والادارة أفضل
ميرسي للكاسر لأنه برسالتك الخاصة اللي أرشدتنى للموضوع أتحت لي فرصة المشاركة والتعرف عليكم
تقبلوا تحياتى ومروري

اول شى يسلموو عاشقة ع الموضوع
والكاسر ما ترك اى مجال لحدا انو يحكى اي كلمة لانو كلامه مية بالمية صحيح
انا صارلى سنتين بهادا المنتدى ما سمعت انه فى حدا اشتكى من عضو تانى انو شتمه او سبه
يعنى هادا مو سبب مقنع
واكيد كل واحد فينا بيمر بظروف خاصة
لكن الكاسر موفر كل الامكانيات لهيك شى
وما فيه كلام ع هيك شى
اح ــترآمي

ما في تعليق بعد تعليق الكاسر

بس بصراحة يا عاشقة او انا بحب اسمك القديم (ليالي القمر )

انتي من الاعضاء الي كتبوا موضوع بدهم يتركوا المنتدي من دون ما تذكري سبب مقنع

والحمد لله انك رجعتي وترقيتي ومبروووووك للترقية عقبال ما تؤخذي الادارة

بتمني ما تزعلي مني وتكون روحك مرحة

وان شاء الله المنتدي برجع احسن من الاول

تحياتي لكي وكل الاعضاء الي علقوا

لكبريائي روآية

عنجد كل الكلام هاد صحيح

المواضيع الي بحطها مش اقل من الطاقة الي بخدها

فعلا كلام الكاسر صحيح

هاد راي الكل

اشكركم جميعا
علي سعة صدركم
وتقبلكم للموضوع بهذا الطريقة الراقية والاسلوب الرائع
ويسعدني ويشرفني ان افتخر امام الجميع
بمنتداي الذي يضم احلي واغلي واجمل اعضاء بالدنيا
وبالاخر بحكيلكم
ربنا لايحرمني منكم ولا من تواجدكم الدائم معي
ودمتم في رعاية الله ياغاليين

آآآآآآآآآمين
يا رب دايما نضل مجتمعين بهالمنتدى ونطوره ويا رب ساعدنا نقدمله أفضل ما عنا
لإنه فعلا نحنا بنحس إنه هالمنتدى بيتنا التاني

الكاسر ما اعطى مجال لحد لانه كلامه صحيح ميه بالميه

انتي كتبتي تسعة و انا راح اكمل للعشرة و الاحداعشر

عاشرا
انو العضو ايكون مريض و او في باهلوا شي

حادي عشر

انو العضو ايكون الالحاسوب الذي يملكه خربان

المهم الله يعطيكي العافية و الصحة الكاملة

امين يارب ان شاء الله هاد المنتدى يكبر كمان وكمان وما يفقد زهوره

اكيد كلامك صح

» قضية فلسطين
» قضية تستحق النقاش
» جديد قضية يحيى الهندي
» الغموض هو العامل الرئيسى فى قضية الحضرى وعبد ربه
» كلمه للمنتدى