نكت مصرية !!!

موضوع: نكت مصرية !!! الخميس 16 أكتوبر 2008, 8:50 pm

*مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم

>>>>>>>>>>>>>>>>>>>>>>>>>>>>>>>>>>>>>>>>>>>>>>>>
موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

>>>>>>>>>>>>>>>>>>>>>>>>>>>>>>>>>>>>>
بيقولك ابو العربي الي في بورسعيد عرف ان حسني مبارك هايزور بورسعيد قريب

راح سافر علي مصر وفضل يعيط علشان يخلوه يكلم الريس كلمه واحده
الريس سمح له بالدخول
قاله ياريس انا بحبك قوي وكل مابقعد علي اي قهوه افضل اقول ربنا يخلي لينا حسني مبارك ومافيش احسن من حسني مبارك
: علشان خاطري ياريس وانت بكره عندنا في بورسعيد بس ابقي قول ازيك يابو العربي وانا قاعد مع اصحابي علي القهوه
الريس قاله حاضر يابو العربي...بس كده؟؟ماشي ياسيدي
حسني مبارك عدي بالعربيه وابو العربي قاعد علي القهوه....حسني مبارك طلع ايده من العربيه وقاله ازيك يابو العربي؟
رد عليه قدام الناس الي قاعدين في القهوه..........جري ايه بروح امك ؟؟انت هاتصاحبني ولا ايه؟؟؟كل شويه ازيك يابو العربي ازيك يابو العربي؟؟؟
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
*احمد نظيف رئيس الوزراء راح يعمل عمره

ومعاه بعض الوزراء

فجه احمد نظف ورجم الشيطان 6 جمرات بس
فوزير قال ناقص جمرة واحدة

نظيف قال سيب الشيطان ده الوقت هنحتاجه بعد كدا
>>>>>>>>>>>>>>>>>>>>>>>>>>>>>>>>>>>>>>

*ملكه انجلترا - .... جورج دبليو بوش - الرئيس الامريكى -

.... محمد حسنى مبارك الرئيس المصرى - ... ماتو ودخلوا كلهم الجحيم

الملكه اليزابيث قالت : وحشتنى انجلترا وعايزة اكلمهم و اطّمن الناس عاملين ايه هناك ..
اتصلت بيهم واتكلمت حوالى خمس دقايق
. .. وقالت : ها ابليس , عايز منى كام تمن المكالمه ؟ ... ابليس قالها : خمسه مليون دولار
... خمسه مليون دولار؟ كتبتله شيك ورجعت تقعد على كرسيها تانى

جورج بوش غار منها جدا وقعد يصرخ وهو بيقول : وانا كماااااان ,
عايز اكلّم امريكا , واتّصل وقعد يتكلم حوالى دقيقتين .... بعدين قال : ها ابليس ,
عايز منى كام تمن المكالمه ؟ ... ابليس قاله : عشرة مليون دولار ... عشرة مليون دولار ؟؟
كتبله شيك ورجع يقعد على كرسيه تانى

حسنى مبارك غار منهم بطريقه رهييييييييبه ... وبدأ يصرخ وهو بيقول :

اناااااا بردو عايز اكلم مصر , بردو عايز اعرف الناس عامله ايه هناك
,واكلّم الوزرا , عايز اكلم كل واحد ... اتصل بـ مصر وقعد يتكلم .... يتكلم . يتكلم

.... حوالى كدا 20 ساعه .. بعدين قال : ها ابليس , عايز منى كام تمن المكالمة؟
....ابليس قال : دولار واحد ....
حسنى مبارك قاله : دولار واحد بس؟؟؟

... ابليس رد عليه وقال ايوة...اصل من الجحيم للجحيم مكالمه محليه
*
في واقعة حقيقية:
قابل حسني مبارك مزيعة في القناة التانية لبرامج الاطفال، فبتعرفه بنفسها قال لها عارفك عارفك، انا باتفرج عليكي

*حسنى مبارك راح لشيخ الأزهر متعكنن جدا .
وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله:
ابقى اشربها على وضوء يا ريس

*المذيعة سألت حسنى مبارك إنت ليه محتفظ بنظيف لغايت دلوقتى
..فأجاب:أصله طويل قوى فده بيخليه يوطى لما يكلمنى توماتيكى

*مرة الرئيس مبارك و بوش و جاك شيراك كانوا راكبين طيارة ف بوش مد ايده من الطيارة
و قال احنا فوق نيو يورك قالو له عرفت ازاي قالهم أنا ماسك تمثال الحرية و بعدين جاك شيراك مد ايده و قال
احنا فوق فرنسا قالو له عرفت ازاي قالهم أنا ماسك برج ايفل و بعدين الرئيس مبارك مد ايده قال احنا فوق مصر قالو له
عرفت ازاي قالهم ............. الساعة اتسرقت

مكشور ياحبيب قلبي علي النكت الحلوة
تحياتي الك ياورد

ههههه حلوين
تقبل مروري

تسلمو علي المرور وتقبلوا تحياتي
يوٍوٍس ـف

هههههههههههههههههههههههههههه

مشكور اخي سجين

بجد روعة تحياتي الك

احلى عيون

موضوع: رد: نكت مصرية !!! السبت 18 أكتوبر 2008, 2:23 pm

كل تحياتي وكل اشواقي

» نكت مصرية 2011 … خدلك نكت مصرية 2011 على الريق وانسى الزعل
» نكت مصرية ..
» حلويات مصرية
» مع تحياتي مصرية‏
» البسبوسة حلوى مصرية