الجزء الثالث والاخير " هل اخطأت عندما وثقت بالدموع واحسنت الظن " احتاج لرأيكم "

طيب نكمل اخر جزء فى القصه
وطبعا كلامكم هنا وردكم هيكون فعال جدا لأنى فى المرحله القادمه انا لسه ما اخذت اى قرار
اما المراحل الماضيه اانا كنت واخذ قرار وحبيت اعرف انا فى اى شق مصيب ام مخطأ


نكمل ما حدث

انا قررت انى اعطيها فرصه ثانيه رغم الصعاب اللى عانيتها فى وسط اهلى
ومن الاصدقاء
رغم اجماع الكل على انها تمشى الا انى انا اصريت على البقاء
وقلت هيه ممكن تكون كذبت بس بس اكيد فيها خير جواها واحنا ماشفنا منها شيئ غلط فى بيتنا

خفت ارميها فى الشارع وتركب مع اى شاب فى سياره وتغير حياتها
خفت اوديها الشرطه وتضيع
خفت اوديها دار خيرى
خفت من كل شيئ
استخرت واعتمدت قرارى بالبقاء واحتسبت الامر كله لله


ومر يومين على القرار

اكلمت اهل العلم والخبره فساندونى برأيى
قالوا لازم علينا ان نساعدها وندفع لها ديون زوجها اللذى هو فى السجن
ثم نكتب لهم عقد زواج شرعى
ونبحث لهم عن عمل ليعيشوا منه

رجعت البيت وانا اشعر بالسعاده لأنى وجدت من يؤيد قرارى من اهل العلم

اخبرت الفتاه بما حدث
فرحت جدا
ولكن اشترط عليها شيئ
قلتلها بصراحه لكى تتم المساعده يجب ان اتأكد من كل ما قلتيه عن حياتك
فكيف اتاكد سكت ولم تجب
قلتلها اعطينى تلوفن اى شخص من اقربك اسأله
قالت ليس معى الا تلفون زوج اختها

اخذت منها الرقم لأتصل به

واتصلت به ثانى يوم صباحا فلم يرد على فتره من الزمن
حاولت كثيرا ان اتصل به ما كان يرد ابدا
وبعد محاولات كثير دامت ساعات رد عليه
عرفته بنفسى وقبل ان اكمل كلامى فوجئت بان الرجل يسبنى بألفاظ بشعه
حاولت ان امتص غضبه
لكن ابا الا ان يسب بألفاظ صعب ذكرها
واغلق المكالمه
رجعت البيت قلت للبنت على اللى حصل وحصل حوار مع البنت مره ثانيه

اتضح فيه ان البنت كانت متزوجه قبل ما تتزوج الشاب اللى بتحبه
زوجها ابوها لشاب وعاشت معاه سنه ثم طلقت
وبدأت المعالم للقصه تتغير
وكلام كثير غريب
المهم انا زهقت من كثر الكلام والقصص والمعالم اللى كل شويه بتتغير
قلتها ليه ما قلتى الكلام ده قبل كده
قالت والله حقيقه

انا بصراحه ثقتى اتهزت فيها وبقيت اقلق
اصدق ايه ولا ايه
اصدق دموعها وشكل براءتها
وانسى كذبها وتعريضها بالكلام

مش عارف
سبتها وقعدت لوحد

وصار الضغط من اهلى كتير كتييييييييييييييير

علطول يجتمعوا بى اجتماعات مغلقه ويتكلموا معايه فى الموضوع

المهم لقيت البنت بتكلمنى وبتقول ان صديق زوجها اتصل بيها عشان شايف ليها شغل
وانها محتاجه تشتغل عشان تسد ديون زوجها السجين

قلتلها منا قلتلك انى بسعى فى الموضوع ده وهساعدك

كانت شبه مصره انها تمشى لصديق زوجها
واهلى يقولوا لى حرام عليك تعطيها فلوس
خلى الفلوس لواحد محتاج افضل دى انسانه كدابه والكذب بتاعها مش بيخلص

ثانى يوم لقيتها بتلبس ومصره تروح لصاحب زوجها

بصراحه ما حاولت اعترضها سبتها تختار مصيرها بنفسها

ولبست لبس مش زى اللى جات بيه

اول ماجات كانت لابسه لبس محترم وحشم

لكن لما قررت تمشى لبسها بصراحه ضايقنى جدا جدا

وكانت نظرات اهلى ليه صعبه

كانهم بيقولوا بعنيهم شفت الهانم بتلبس ايه

المهم البنت مشيت وسافرت للصديق زوجهها فى بلد مجاوره

الى هنا انتهت الاحداث

وانا بسألكم دلوقتى

ايه رأيكم فى اللى حصل

هل انا غلطت من البدايه

وهل اتصل بيها اعرض عليها المساعده من جديد

واتابع موقفها

ولا انهى الموضوع الى هنا واسيبها تختار مصيرها ان كانت صادقه
اولا انا انضحك عليه من البدايه

مش عارف عندى صراع عنيف فى داخلى بيقول انها ضحيه ضروف

قبل ما تحكموا لاحظوا سنها صغير يعنى صعب تاخد قرارات مصيريه حكيمه فى سنها
مش عارف

خدوا بالكم انا بجد فى حيره بقالى يومين مش عارف اقرر اعمل ايه

فأفيدوووووووووووووووووووونى