. لابسه الفستان الأبيض وإتثيقل في خُطاها
لابسه الفستان الأبيض صارت الليله عروس
ورد يتناثر عليها كليلها يسحب وراها
كوشه تتراقص سعاده زغرطي ياأم العروس
جالسه وكلٍ يناظر لبتسامه في شفاها
جالسه ترسم أماني ول ياوقتٍ عبوس
إنهدم حلمٍ بنيته وزادت النفس بشقاها
آآه ياوقتٍ خذلني صار لأحلامي يدوس
كانت البارح تبيني كان حبي هو مناها
قالت إن حبك حبيبي داخل إقليبي مغروس
شوف هالدنيا حبيبي كن بفراقك فناها
كل هالعالم بكفه وإنت حبك وسط غوس
آآه ياخاين وعودك شف عيوني زاد ماها
آآه ياونه بصدري حايره فيني تحوس
آآه ياليلة زفافك .. ليله كل حزن يغشاها
ليله أسود من عباتك وسطها صرت محبوس
حبها أصبح لغيري وحبي إحذفته وراها
شفني أتجرع عذابه موبكاس إلا بكؤووس
كيف تاهتبي دروبي بين أراضيها وسماها
ليه كل ماصرخ عليها كن هالصوت مخروس
لو أبتركها وأهاجر عيشتي وشهي بلاها
لو نفيتك من حياتي كيف تشرق لي شموس
لو أكابر في بعادي أو تنكرت لهواها
كيف تسلى ياقليبي وإنت من جوا محموس
آآه ياقلبي كفايه .. هذي الدمعه بلاها
خل حزنك في جرابه وإترك الحرب الضروس
إفرحي بليلك حياتي وإتركي لنفسي عناها
زيدي هجرانك وبعدك يمكن إطيب النفوس
لابسه فستان أبيض يعني مايفرق معاها
لابسه الفستان الأبيض يعني هي صارت عروس .
