لآضاق صدرك عالي الصوت جره

السلام عليكم ورحمه الله وبركاته
..............
.........
...
لآضاق صدرك عالي الصوت جره !!
لو كان قلبك ما يطاوعك مسرور !!

دنياك لو تسوى من الحِزن ذرّه !!
ما كان تاليها ثوابيت وقبور !!

وما كان للكافر بعمره مسره !!
وما شفت في ملكه ملايين وقصور!!

العمر يمضي بين حلوه ومره !!
والموت حق وقابض الروح مأمور !!

دام الحياه الفانية مستقره !!
ورزقك يجيك وبين الأجواد مستور !!

لاتنشغل بالوقت برده وحره !!
واحذر تصير بقسمة الناس مقهور !!

وحكم القدر لاجاك خيره وشره !!
أشكر عظيم الشان والذنب مغفور !!

المجلس اللي يزعجك لا تمره !!
خله تراك بشوفته منت مجبور !!

والرجل سقها في صحاصيح بره !!
ومد النظر مابين ريضان وزهور !!

ساعات صمتٍ ما وراها مضره !!
تسوى الكلام اللي به إذنوب وإشرور !!

أطلق خيالك وأترك النفس حره !!
وخل الطبيعه في حياتك لها دور !!

وبالليل لا بانت نجوم المجّره !!
أذكر بديع الخلق بـِ إحـساس وشعور !!

واسجد لرب الكُون مره ومره !!
وإحفظ لسانك وأترك الكذب والزور !!

وفروض ربك خلها مستمره !!
وطاعتك لا يدخل بها نقص وقصور !!

منقول

نقل جميل سطرته لنا بقلمك الذهبي يا
مرهف الاحساس
ربنا يبعد عنك ضيق الصدر
ويشرح لك صدرك وييسر لك امرك ان شاء رب العالمين
تقبل مروري من هنا

الــكــاســر كتب:: نقل جميل سطرته لنا بقلمك الذهبي يا
مرهف الاحساس
ربنا يبعد عنك ضيق الصدر
ويشرح لك صدرك وييسر لك امرك ان شاء رب العالمين
تقبل مروري من هنا

آآآمين ياك يا غالي
مشكور ع المرور العطر
لا عدمنا هـ الحضور الرآآقي

عسى صدرك مايعرف الضيق...
ويارب كل ايامك افراح...

» تعريف الصوت لجهازك بكل سهولة لا تقلق لو أضعت تعريف الصوت
» فكر بصوت عالي
» أبي ابكي على صدرك إلين تخلــص دموعي
» في خاطرى لك كلام ... وسع صدرك و إسمعه
» نصيحة لك أفضل مكان إذا كان صدرك ضايق..!