أبي أبكي من الضيقه وبعزف للهموم الحان

أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني

أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هو اللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي اترك لهم قصة وأخيّرهم على العنوان
يسمّوا "حزن "يحطوا " دمع " ..ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني

أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني

أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني

أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني

إلامن خانني التعبير أبيه يكون لي لسان
أبي لامن سكتْ ألقاه ..يفهم من نظر عيني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني

مشكورة غاليتى على ما قدمتى

الله يعطيكى ألف عافية

تحيتى لك

مرورك اسعدن يياغالية

لاتحرميني تواجدك العطر

يسلموووووووووووووووووووووووووووو

أحلى بنوتة
لِ ترجمة إحسآسكـ هُنآ رنين خآص
ووقعٌ ذآ حرف مُتزين بِ جمآل العذوبه
وإسلوبـ التصوير المتأصل للكل مآ بِ الفؤآد
إنسكآبـْ بآهر ،
لكـَ ودي

احلي بنوتة
الله يبعد عنك الهموم يا رب
ويبدل الهموالغم بسعادة ان شاء الله
يسلموا دياتك
علي ذه المشاركة الحزينة
تقبلي مروري من هنا

مروركم اسعدني ياغالييين

لاتحرموني تواجدكم العطر

» الملابس الضيقه واثرها على الصحه
» أبكي ولا تبكي
» يوما ما ...لن أبكي
» لم أبكي ضعفا
» لماذا أبكي