اعرفي عريسك بدري من طريقة أكله

إذا كان عادي .. يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في عواطفه وقراراته ويبقى ده
آخر الرجال المحترمين.. كلبشي فيه.. واستعجلي الزفاف والحياة هتبقى بمبي



إذا كان بيحب الأكل زي عينيه وأول ما يدخل من الباب وقبل ما يقول لك ازيك يقول لك ريحة التقلية تجنن
يا روحي إنتو عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه يبقى إنسان طفس و هوائي وطايش وأوعي تتجوزيه أحسن ياكلك وانتي نايمة



أما إذا كان مش مهتم بالمرة.. لايقولك ده حلو ولا ده عادم ولا مالح ولا مستوي ولا لسه ني ولا بيعلق أي تعليق وعمره مايقولك جعان أو شبعان يبقى إنسان مالوش لزمه.. وزي قلته.. وأنصحك بدل ما تتجوزيه ،، اتبنيه وهاتعيشي إنتي الراجل والست فوقت واحد



أما إذا كان بياكل زى مايكون حد بيجري وراه وساعة الأكل بيجيله حالة صرع معوي.. ويقوم من عالأكل قبل أي حد تاني ...... يبقى متسرع.. ومتهور في اتخاذ قراراته وممكن بعد الجواز يكتشف إنك لست ملهمته..ولست فتاة أحلامه .. ويروح مطلقك بالتلاتة... إخلعي إنتي بدري أحسن لكرامتك.



أما إذا كان بياكل على مهله.. ويمزمز.. في كل صنف لوحده.. ويسأل عن كل صنف إيه مقاديره ومعمول إزاي ويقعد يستطعم في الأكل من العصر للمغرب .
حاسبي منه يا اختي .. ده النوع اللي ليه مخ وبيوزن الأمور بطريقه تفقع المرارة ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي.. نظام شلل رعاش بدري.... إخلعي يا يمه



أما إذا كان بيقعد يقطع ف الأكل زي مايكون في خناقة ويخبط في الطبق من الغل ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو بياكل لما يغرق وشك أكل ده شخص عصبي جدًاااا.. ومع أول خناقة هايروح مناولك بالكرسي في راسك أو بالسكينة ف عينك و يعمل لك عاهة مستديمة وبعدين يهدى.. ويقول لك: سوري يا روحي هي جت فيكي ..معلش معلش

برة يا حبيبي وخد الباب في ايدك



أما إذا كان دايمًا قرفان .. دايمًا مش عاجبه العجب ولا الصيام ف رجب

يع الملوخية تقيلة.. ياي السمنة كتيرة .. ياساتر دا محشي ولا صوابع مووووز

أووووف.. الرز محصويل..يامَّه المكرونة معجنة..

إذا كان كده توكلي على الله وهاتي أحمى ساطور عندك

وأنا أعرف لك محامي هايطلعك منها زي الشعرة من العجين

والأحسن من ده كله.....
مالها القعدة فبيت أبووووووكي؟؟

لا ولو بس البنات غلبانين ومو قوايا بضلكو انتو رجال قوامون على النساء والكم هيبتكم ..

شكرا الكاسر ولحن الوفا على المرور الطيب ..

تحياتي ..

مشكورة اختي رومانسية
على ماا قدمت بنا
تحيتي لكم[i]

مشكووره رومانسيه

شكرا لك رومانسية على الموضوع

تقبلي مرروي

مشكووورة رومانسية

لاتحرمينا جديدك

يسلموو على مروركم العطر ...