و هي طريقة تانية
كيف الصبايا من زمان ما شاركت،
و حبيت أشارك بطيق عزيز على قلبي كتير، بحبها كثير السماقية،
نبدأ على بركة الله:
المقادير:
ربطة سلق أو في ناس بتحط سبانخ حوالي 2.5 إلى 3كيلو
لحمة مقطعه صغير نوعاً ما "مش زي الشوربة أكبر طبعًا قد لقمة الخبز.
عدد 3 بصلا حجم كبير أو أربعة
حمص حب منقوع و مسلوق نص سلقة حسب الرغبة و في ناس بتحط كمية الحمص قد اللحمة أنا شخصيًا ما بحب الحمص.
3 قرون فلف شطة ناشفة أو فلف أخضر بس أنا بفضل الشطة عشان السماقية الاصلية بالشطة و طبعًا مش حقولكم قديش الغزازوة بموتوا بالفلفل.
2 م ك عين جرادة ناشفة
5- 7 فصوص ثومة مقطعة و ما تكتروا لانه بيصير طعمها كثيييييير تومة
150 جم طحينة حمرا و لازم تكون حمرا
عدد ا كوب سماق بلدي
عدد 2 ملعقة كبيرة طحين
ملح
نبدأ بالطريقة:
أولا بنجيب السلق و بنضمممه ضمم صغيرة و بنقطع العروق و بنخرطه ناعم و للي ما بيعرف السلق هادي هي صورته
[ندعوك للتسجيل في المنتدى أو التعريف بنفسك لمعاينة هذه الصورة] و هادا السلق لما يتقطع و يخلص
[ندعوك للتسجيل في المنتدى أو التعريف بنفسك لمعاينة هذه الصورة]نصيحة مهمة: علشان نغسل السلق منيح بننقع بجاط فيه ميه لمدة عشر دقايق رح نلاحظ أنه الرمل ترسب في القاع و بعدين بنغسله كمان مرة و بنصفيه
[ندعوك للتسجيل في المنتدى أو التعريف بنفسك لمعاينة هذه الصورة]نيجي للنار بنقطع البصل مربعات و بنقطع اللحمة كذلك و بنسيبهم على النار يتذبلوا بعد ما نضيف الحمص كمان.
[ندعوك للتسجيل في المنتدى أو التعريف بنفسك لمعاينة هذه الصورة] بعد ما يذبلوا و تذوب البصلة بنضيف السلق المخرط و المغسول و المصفى
[ندعوك للتسجيل في المنتدى أو التعريف بنفسك لمعاينة هذه الصورة] بعدين بنضيف شوية زيت قلي على الطنجرة بعد ما اللحمة تتشرب ميتها منيح و تنشف و بنقلي خليط اللحم و البصل و الحمص لما يحمر شويه زي الصورة
[
[ندعوك للتسجيل في المنتدى أو التعريف بنفسك لمعاينة هذه الصورة] بنبلش بالسلق فوق اللحمة و الحمص و البصل و رح نلاحظ أنه السلق كثير نافش بس ما تنغروا رح يكش على الاخر
[ندعوك للتسجيل في المنتدى أو التعريف بنفسك لمعاينة هذه الصورة] بنضل نقلبة و بنسكر الطنجرة،
نيجي للسماق بتحطي مقدار السماق البلدي بطنجرة صغيرة و على النار مع 2 كوب ميه و بتسلقي منيح كتير لما ينزل عصارته و حموضته
[ندعوك للتسجيل في المنتدى أو التعريف بنفسك لمعاينة هذه الصورة] بنيجي للدقة المكونة من الفلفل الاحمر المنقوع بالماء "لتسهيل تقطيعة"
[ندعوك للتسجيل في المنتدى أو التعريف بنفسك لمعاينة هذه الصورة] و كمان الثوم المقشر و المقطع ناعم
[ندعوك للتسجيل في المنتدى أو التعريف بنفسك لمعاينة هذه الصورة] و بنضيف عليهم الجرادة الحب
[ندعوك للتسجيل في المنتدى أو التعريف بنفسك لمعاينة هذه الصورة] و بنبلش ندقها منيح منيح و بنضيفها على خليط السلق لما يستوي منيح و بنقلبهم و بنسكر الطنجرة
[ندعوك للتسجيل في المنتدى أو التعريف بنفسك لمعاينة هذه الصورة] بعدين بنيجي للسماق بنحطه بالخلاط الكهرباء "في الزمانات كانوا بايدهم يمرطوه" و بنخط كتير منيح
[ندعوك للتسجيل في المنتدى أو التعريف بنفسك لمعاينة هذه الصورة] و بعدين بنصفيه بالمصفاة الناعمة و بنكب السماق الخشن،
[ندعوك للتسجيل في المنتدى أو التعريف بنفسك لمعاينة هذه الصورة] بعدين بنضيف الطحينة الحمرا على خلاصة عصير السماق مع الحين و بالمولينيكس كمان مرة خلط منيح
هادي هي الطحينة الحمرا اللي باستخدمها للي ما بيعرفها نفس البيضة بس لونها محمر شوي
[ندعوك للتسجيل في المنتدى أو التعريف بنفسك لمعاينة هذه الصورة] لما يصير زي المستحلب جميل اللون،
[ندعوك للتسجيل في المنتدى أو التعريف بنفسك لمعاينة هذه الصورة] إذا كان السماق منيح رح تلاقي الخليط حامض أما اذا أي كلام ممكن تعصري لمونة لما تلاقي حموضته منيحة
بعدين بتضيفي الخليط على السلق و اللحمة و الدقة اللي على النار
[ندعوك للتسجيل في المنتدى أو التعريف بنفسك لمعاينة هذه الصورة] و بعدين بنعقدها على النار لما تغلي منيح
[ندعوك للتسجيل في المنتدى أو التعريف بنفسك لمعاينة هذه الصورة] و بعدين بنسكبها بصحون
[ندعوك للتسجيل في المنتدى أو التعريف بنفسك لمعاينة هذه الصورة] صحة و هنا